Галаве імператара Актавіяна Аўгуста амаль 2 тыс. гадоў, інфармуе БелТА са спасылкай на CNN.
Знаходку зрабіў археолаг Франчэска Джанкола падчас рэстаўрацыі сярэднявечнай сцэны ў італьянскім горадзе Ізэрнія.
Праводзячы раскопкі каля сцяны, археолагі заўважылі, што зямля змяніла колер, і на паверхні з'явіўся кавалак мармуру. Франчэска Джанкола адзначыў, што, мяркуючы па валасах, форме і разрэзу вачэй, галава з'яўляецца часткай статуі імператара Аўгуста.
Па словах археолага Марыі Дылетты Каломбы, галава вышынёй 35 см можа быць датавана перыядам паміж 20 годам да нашай эры і 10 годам нашай эры.
Археолагі мяркуюць, што галава была аддзеленая ад статуі вышынёй больш за 2 м. Яна зроблена з таго ж мармуру, што выкарыстаў італьянскі скульптар і мастак Мікеланджэла. У цяперашні час мармуровую галаву вывучаюць эксперты. Археолагі спадзяюцца, што яна застанецца ў гарадскім музеі і будзе прыцягваць турыстаў.
У ходзе раскопак таксама былі выяўленыя пустыя сярэднявечныя грабніцы і тэракотавыя артэфакты.
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
