Рэспубліканскі тэатр беларускай драматургіі ўдзельнічае ў маладзёжным тэатральным форуме ў Ташкенце, паведамілі карэспандэнту ў пасольстве Беларусі ва Узбекістане, перадае БелТА.
«З 30 лістапада да 7 снежня ў Ташкенце праходзіць IV моладзевы тэатральны форум краін Садружнасці, Балтыі і Грузіі, — гаворыцца ў паведамленні. — Краіны-удзельнікі форуму — Беларусь, Арменія, Азербайджан, Эстонія, Казахстан, Узбекістан, Кыргызстан, Грузія, Украіна, Расія, Малдова, Таджыкістан».
Падчас форуму 5 снежня ў Тэатры юнага гледача адбудзецца паказ спектакля «А мне не сорамна!» Рэспубліканскага тэатра беларускай драматургіі.
Асноўнай мэтай форуму з’яўляецца ўсялякае садзейнічанне ўмацаванню творчых кантактаў маладых дзеячаў тэатра краін СНД, Балтыі і Грузіі — рэжысёраў, драматургаў, сцэнографаў, тэатральных крытыкаў. Тэатральны праект закліканы звярнуць увагу гарадскіх уладаў, грамадскіх і творчых арганізацый на маладое пакаленне, якое вызначае будучыню Тэатра.
Мерапрыемства дае маладым тэатральным дзеячам магчымасць падзяліцца прафесійным вопытам, абмеркаваць праблемы, з якімі сутыкаюцца пачаткоўцы свой творчы шлях прафесіяналы.
Фота Рэспубліканскага тэатра беларускай драматургіі
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
