У 17.42 паступіла паведамленне аб неабходнасці аказання дапамогі ў пошуку пенсіянера 1924 года нараджэння ў раёне вёскі Патапава Шклоўскага раёна, паведамляе МНС.
Па словах сваякоў, пажылы мужчына прыкладна ў 12.55 сышоў з дому ў невядомым кірунку. У пошуках пенсіянера ўдзельнічала тры адзінкі тэхнікі і сем чалавек, у тым ліку ад МНС прыцягваліся дзве адзінкі тэхнікі і чатыры чалавекі.
У 18.42 работнікі Шклоўскага РАНС на адлегласці 400 метраў ад вёскі знайшлі пенсіянера і даставілі яго дадому.
Як паведамляе МНС, прачэсваючы лесапаласу і прылеглае да яе кукурузнае поле, у хмызняку яны выявілі мужчыну, які згубіўся, ён знаходзіўся ў прытомнасці. Відаць, дзядуля адправіўся ў лес па грыбы, аднак з прычыны паважанага ўзросту, заблытаўшыся ў густой траве, не змог перасоўвацца далей.
Пенсіянер не пацярпеў і пасля агляду медыкаў вярнуўся на апеку да сваякоў.
ПАВЕЛ КАЛЕНДА
Фота БелТА
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
