У Пуэры кававае «жніво»

У горадзе Пуэр, што ў правінцыі Юньнань (Паўднёва-Заходні Кітай), у раёнах вытворчасці кавы збіраюць ураджай, перадае «Жэньмінь жыбаа» анлайн». 

Горад Пуэр, які вядомы на ўвесь свет сваім легендарным чаем і старажытным чайным шляхам, за апошнія гады стаў раёнам вытворчасці кавы з самымі вялікімі плошчамі і аб’ёмам вытворчасці ў Кітаі. Сённяшнія дасягненні юньнаньскай кавы з’яўляюцца вынікам шматгадовых намаганняў улады і прадпрыемстваў, навукова-даследчых інстытутаў і фермераў.

Пачынаючы з 1988 года, калі міжнародныя кававыя гіганты Nestlé, Maxwell і Starbucks выйшлі на кітайскі рынак, урад правінцыі Юньнань таксама ўвяёў адпаведную палітыку падтрымкі, каб паскорыць развіццё кававай індустрыі правінцыі. Падтрымка ў сукупнасці з навуковымі і тэхналагічнымі інавацыямі стымулявалі юньнаньскія кававыя кампаніі і фактычна сфарміравалі поўны вытворчы ланцужок. Цяпер плошча пасеваў кавы ў правінцыі Юньнань дасягнула амаль 1,4 мільёна му (86 тысяч гектараў), аб’ём вытворчасці складае каля 110 тысяч тон, а аб’ём вытворчасці ўсяго вытворчага ланцужка ацэньваецца ў больш чым 30 мільярдаў юаняў. У той жа час, паколькі вырошчванне кавы ў Юньнані ў асноўным засяроджана ў бедных прыгранічных раёнах, такіх як Пуэр і Баашань, развіццё кававай прамысловасці не толькі эфектыўна спрыяла эканамічнаму развіццю гэтых тэрыторый, але і значна дапамагло ў барацьбе з беднасцю ў гэтых раёнах і дазволіла больш чым аднаму мільёну фермераў павялічыць свае даходы.

У вытворчым сезоне 2020-2021 гадоў плошча пасеваў кавы ў дазволіла выйсці правінцыі выйсці на 4-е месца ў Азіі. Плошча і аб’ём вытворчасці склалі больш як 98,5 працэнта ад паказчыкаў па ўсёй краіне. Кававае зерне і прадукты яго перапрацоўкі экспартуюцца ў больш чым 60 краін і рэгіёнаў.