Бабруйчанін незаконна перавозіў больш за 800 л спіртазмяшчальнай вадкасці, паведаміў начальнік аддзела УБЭП УУС Магілёўскага аблвыканкама Вячаслаў Шкапцов.
У Бабруйску супрацоўнікамі міліцыі быў спынены аўтамабіль мясцовага жыхара, які перавозіў 810 л спіртазмяшчальнай вадкасці без суправаджальных дакументаў у парушэнне дзеючага заканадаўства.
Устаноўлена, што 40-гадовы бабруйчанін меў намер рэалізаваць кантрафакт на тэрыторыі Магілёўскай вобласці. Варта адзначыць, што раней мужчына ўжо неаднаразова прыцягваўся да адміністрацыйнай адказнасці за аналагічнае правапарушэнне.
Вадкасць з утрыманнем спірту на суму больш за Br20 тыс канфіскаваная. Прызначаныя адпаведныя экспертызы, па выніках якіх будзе дадзена прававая ацэнка дзеянням мужчыны.
Праваахоўнікі нагадваюць, ўжыванне вадкасці з утрыманнем спірту невядомага паходжання можа быць смяротна небяспечным.
Прэв’ю: БелТА
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
