Шанхай нагандляваў амаль на 100 мільярдаў долараў

У студзені-лютым знешнегандлёвы абарот Шанхая дасягнуў новага рэкорднага ўзроўню ў 681,56 млрд. юаняў (каля 99,1 млрд. долараў), павялічыўшыся на 0,7 працэнта ў гадавым вылічэнні. Аб гэтым паведамілі ў Шанхайскай мытні, перадае «Жэньмінь жыбаа» анлайн».

За гэты перыяд аб’ём імпарту ўсходнекітайскага мегаполіса ўзрос на 4,7 працэнта ў гадавым вылічэнні — да амаль 416 млрд. юаняў. Аб’ём экспарту склаў 265,5 млрд. юаняў, сведчаць мытныя дадзеныя. Знешнегандлёвы абарот прыватных прадпрыемстваў горада прадэманстраваў высокія паказчыкі, паколькі за першыя два месяцы дасягнуў 208,4 млрд. юаняў, павялічыўшыся на 13,1 працэнта ў гадавым вылічэнні. Іх доля ў агульным аб’ёме знешняга гандлю Шанхая склала 30,6 працэнта.

Са студзеня па люты аб’ём тавараабароту Шанхая з дзяржавамі-членамі Рэгіянальнага ўсёабдымнага эканамічнага партнёрства (RCEP ) дасягнуў 231,8 млрд. юаняў, павялічыўшыся на 2,5 працэнта, у той час як аб’ём імпарту і экспарту з Еўрапейскім саюзам дасягнуў 137,4 млрд. юаняў — рост на 5 працэнтаў.