Коратка

Папраўкi ў некаторыя кодэксы Рэспублiкi Беларусь па пытаннях узмацнення мер адказнасцi за кiраванне транспартным сродкам у стане ап'янення ўступаюць у сiлу 24 кастрычнiка.

Беларусь учора выканала свае абавязацельствы па крэдыце стэнд-бай Мiжнароднага валютнага фонду i ажыццявiла чарговае пагашэнне асноўнага доўгу ў памеры 54,7 млн СДР, што эквiвалентна $84,4 млн.

У Беларусi рэальныя наяўныя грашовыя даходы ў студзенi-жнiўнi гэтага года ў параўнаннi з адпаведным перыядам мiнулага года павялiчылiся на 18,8 працэнта.

Колькасць зарэгiстраваных карыстальнiкаў у нацыянальнай сiстэме збору платы за праезд па аўтамабiльных аўтадарогах BelToll перасягнула 160 тыс.

Як паведамiлi ў Мiнiстэрстве спорту, у гэтым годзе вельмi павялiчыўся попыт на туры ў Балгарыю, практычна ў два разы. Попыт на адпачынак у Грэцыi павялiчыўся на 30%. Аднак у цэлым густы беларускiх турыстаў у гэтым годзе кардынальна не змянiлiся — у лiдарах летняга адпачынку Расiя, Украiна i Турцыя.