Памерла Мая Плісецкая

Балярына Мая Плісецкая памерла 2 мая ў Германіі ад сардэчнага прыступу. Пра гэта паведаміў ТАСС гендырэктар Вялікага тэатра Уладзімір Урын.

"Мне патэлефанаваў муж балярыны Радзівон Шчадрын. Яна памерла ад цяжкага сардэчнага прыступу. Урачы змагаліся, але нічога не змаглі зрабіць", - сказаў Урын.

Мая Плісецкая нарадзілася 20 лістапада 1925 года ў Маскве.

Заслугі Маі Плісецкай неаднаразова былі адзначаны на радзіме і за мяжой. У 1956 годзе ёй прысвоена званне народнай артысткі РСФСР, у 1959-м - народнай артысткі СССР, у 1985 годзе - званне Героя Сацыялістычнай Працы. Мая Плісецкая ўзнагароджана ордэнам Леніна, ордэнамі "За заслугі перад Айчынай" IV, Ш, II і I ступені.

Лаўрэат Ленінскай прэміі (1964), Прэміі Ганны Паўлавай (1962, Парыж), прафесійнага балетнага прыза "Душа танца" у намінацыі "Легенда" (2009). Узнагароджана французскімі ордэнамі Камандора літаратуры і мастацтва (1984) і Ганаровага легіёна (1986, 2012), залатым медалём прыгожых мастацтваў Іспаніі (1991), Вялікім крыжом Камандора ордэна "За заслугі перад Літвой" (2003). Уганаравана Міжнароднай Імператарскай прэміі Японіі (2006).
У 1985 годзе Плісецкай было прысвоена званне доктара Сарбоны, у 1993 годзе - ганаровага прафесара Маскоўскага дзяржаўнага універсітэта ім. М.В. Ламаносава.