Лаўрэатам брытанскай літаратурнай прэміі The Man Booker Prize за ўсю гісторыю яе існавання ўпершыню стаў пісьменнік з ЗША Пол Біці. Узнагароду амерыканскі літаратар атрымаў за раман аб расізме "Распродаж", які журы палічыла "шакіруючым і нечакана смешным".
"Распродаж" - сатырычная гісторыя цемнаскурага маладога чалавека, які спрабуе вярнуць сегрэгацыю і рабства ў адным з прыгарадаў Лос-Анджэлеса. Старшыня журы Аманда Форман заявіла, што кніга разбурае ўсе сацыяльныя табу.
Пол Біці нарадзіўся ў 1962 годзе ў Лос-Анджэлесе. "Распродаж" - яго чацвёрты раман. Кніга ўжо выйграла некалькі прэмій у ЗША.
У мінулым годзе лаўрэатам Букераўскай прэміі стаў пісьменнік Марлан Джэймс (Ямайка), які атрымаў яе за раман "Кароткая гісторыя сямі забойстваў".
The Man Booker Prize была заснавана ў 1968 годзе. З 2014 года на яе можа прэтэндаваць любы англамоўны пісьменнік, чые кнігі апублікаваны ў Злучаным Каралеўстве. Раней узнагароду маглі атрымаць толькі аўтары з Вялікабрытаніі, Ірландыі і краін Брытанскай Садружнасці.
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
