Атмасферная летняя экспазіцыя працуе ў Нацыянальным мастацкім музеі Рэспублікі Беларусь. Маштабны выставачны праект «Лета. Спякота» (куратар — Кацярына Калянкевіч) знаёміць з чароўнымі жывапіснымі творамі беларускіх мастакоў з калекцыі музея, аб’яднанымі цеплынёй і ласкавым сонейкам, якога сёлета так не хапае.
Людскія лёсы ў гісторыі
У Нацыянальным мастацкім музеі ўпэўнены: нягледзячы на тое, што сёння ў Беларусі склалася высокапрафесійная школа акварэльнага жывапісу, публіка мала знаёма з яе дасягненнямі. Таму менавіта здабыткі мастакоў мінулага і сучаснасці дэманструюцца на выстаўцы «Акварэль. Варыяцыі», створанай пад куратарствам Франца Корзуна, навуковага супрацоўніка выставачнага аддзела НММ. Да 29 верасня ёсць магчымасць пазнаёміцца з ледзь не сотняй акварэльных твораў з майстэрань аўтараў і фондаў музея.
Сёлета найбуйнейшая кніжная сетка краіны — ААТ «Белкніга» — адзначае слаўны юбілей: 80 гадоў з дня заснавання. З моманту свайго стварэння ў 1945 годзе «Белкніга» стала неад’емнай часткай культурнага ландшафту Беларусі, спрыяючы развіццю нацыянальнай кніжнай індустрыі і папулярызацыі літаратурнай спадчыны. Сёння прадпрыемства налічвае 86 кнігарань у розных рэгіёнах Беларусі, што дазваляе забяспечыць шырокі доступ да якаснай айчыннай і замежнай літаратуры. На працягу вось ужо васьмі дзесяцігоддзяў «Белкніга» застаецца сімвалам якасці, надзейнасці і прафесіяналізму. Яе дзейнасць — гэта не толькі камерцыйная місія, але і культурна-асветніцкая роля, якая спрыяе фарміраванню чытацкага густу, падтрымцы нацыянальнага кнігавыдання і захаванню духоўных каштоўнасцей.
З нагоды юбілею мы пагутарылі з генеральным дырэктарам «Белкнігі» Уладзімірам Матусевічам пра сучасныя літаратурныя тэндэнцыі, планы і праекты прадпрыемства на юбілейны год, ролю кнігі ў фарміраванні каштоўнасных арыенціраў грамадства.
У наступным годзе будзе адзначацца векавы юбілей жывапісца, графіка і педагога Барыса Аракчэева. Сям’я заслужанага дзеяча мастацтваў пачала рыхтавацца да святкавання юбілею загадзя. Так, сёлета выйшла рускамоўная кніга «Барыс Аракчэеў. Ішлі эшалоны» — прысвячэнне 80-годдзю Вялікай Перамогі. Выданне дазваляе пазнаёміцца з тэматычнымі жывапісам і графікай аўтара. А зусім нядаўна ў Дзяржаўным літаратурна-мемарыяльным музеі Якуба Коласа нашчадкі Барыса Уладзіміравіча прэзентавалі каляндар на 2026 год «Мінск. Барыс Аракчэеў». Пра яго падрыхтоўку і вынік працы расказалі дачка творцы — мастачка ды ілюстратар Аксана Аракчэева і яе муж Хельмут Кіпхарт, які падтрымаў праект у тым ліку фінансава.
Дзяржаўны літаратурна-мемарыяльны музей Якуба Коласа — вядучы культурны цэнтр, які займаецца захаваннем, вывучэннем і папулярызацыяй спадчыны вялікага майстра слова, народнага паэта Беларусі Якуба Коласа. Адным з прыярытэтных кірункаў работы ўстановы з’яўляецца не толькі захаванне багатага музейнага збору, але і пошук новых матэрыялаў, звязаных з жыццём і творчасцю класіка беларускай літаратуры. На старонках «ЛіМа» мы ўжо распавядалі пра выяўлены ліст Якуба Коласа да Аляксандры Пятроўны Рабінінай, загадчыцы аддзела нацыянальных літаратур Дзяржаўнага літаратурнага выдавецтва («ЛіМ» — 2023 — № 44). Ліст класіка быў напісаны з Ташкента ў першыя месяцы знаходжання паэта ў сталіцы Узбекістана, куды была пераведзена Акадэмія навук БССР падчас Вялікай Айчыннай вайны. Матэрыял беражліва захоўваецца ў фондах Дзяржаўнага музея Уладзіміра Маякоўскага ў Маскве. Падчас ліставання з супрацоўнікамі музея высветлілася, што яны зберагаюць і іншыя матэрыялы, звязаныя з Якубам Коласам.
У Выдавецкім доме «Звязда» ўбачыла свет кніга для першакласнікаў «З Міхасём і Міхалінкай крочым роднымі сцяжынкамі», прымеркаваная да Дня беларускага пісьменства, што сёлета святкуецца ў Лідзе. Галоўная мэта выдання — расказаць школьнікам пра гісторыю і сучаснасць роднага краю. Кнігу можна аднесці да класічных навучальных дапаможнікаў, якія арыентаваны на дзяцей малодшага школьнага ўзросту і накіраваны на далучэнне юнакоў да гісторыі і культуры сваёй Радзімы. Выданне змяшчае дзевяць тэматычных раздзелаў: «Мая старажытная Ліда», «Слава перможцам», «Знакавыя мясціны Лідчыны», «Героі Беларусі», «Ліда-працаўніца», «Наша родная прырода», «Прывітанне, школа!», «Мой вольны час» і «Мая бяспека».
За апошнія 50 гадоў на «Беларусьфільме» гэта першы мастацкі спартыўны фільм. Здымкі праходзяць у маляўнічых месцах Беларусі — на Іслачы ў Кіяўцы, на Чыжоўскім вадасховішчы, у Заслаўі.
Да 24 жніўня ў прасторы ZAL#2 Палаца мастацтва ёсць магчымасць пазнаёміцца з выставачным праектам «Vuž. Вобраз змяі ў сучасным беларускім мастацтве». Куратар Кацярына Янкоўская сабрала разам творы, аб’яднаныя шматзначным сімвалам. Свае работы дэманструюць Кацярына Коўзусь, Фёдар Шурмялёў, Уладзімір Клімушка, Вольга Мельнік-Малахава, Андрэй Пяткевіч ды іншыя аўтары.
