Сеткавае выданне zviazda.by

У Беларускім дзяржаўным музеі гісторыі Вялікай Айчыннай вайны адкрылася незвычайная выстаўка, якая знаёміць з гісторыяй станаўлення гадзіннікавай прамысловасці СССР. Гэта сумесны праект з Музеем гадзіннікавай справы. У экспазіцыі прадстаўлена больш за 70 мадэляў, а таксама звесткі і фатаграфіі іх уладальнікаў — удзельнікаў Вялікай Айчыннай вайны.

Казахстанска-беларускія літаратурныя сувязі напоўніцу пачалі фарміравацца ў 1930-я гады, калі ў Мінску ў 1936 годзе прайшоў пленум Саюза савецкіх пісьменнікаў СССР. Удзел у абмеркаванні надзённых праблем развіцця літаратуры прымала і дэлегацыя з Казахстана. А на старонках беларускага перыядычнага друку з’явіліся ў перакладзе на беларускую мову творы казахскіх паэтаў. 

Гэта адбываецца штогод, калі «Славянскі базар у Віцебску» падводзіць вынікі асноўнага конкурсу — маладых выканаўцаў эстраднай песні. Тое, з чаго некалі ўсё пачыналася ў горадзе на Дзвіне, цяпер з’яўляецца цвіком праграмы. Нездарма і другі конкурсны дзень, і ўручэнне ўзнагарод робяць пад заслону міжнароднага фестывалю мастацтваў, які за больш чым 30 гадоў існавання стаў адным з культурных брэндаў Беларусі.

Сярод 15 спектакляў, якія ўваходзілі ў праграму, былі пастаноўкі гасцей — Нацыянальнага драматычнага тэатра Расіі (Александрынскага тэатра) з Санкт-Пецярбурга. Акрамя таго, сваю пастаноўку «А зоры тут ціхія» на кітайскай мове паказалі навучэнцы тэатра-студыі Еўсцігнея Міровіча Беларускай дзяржаўнай акадэміі мастацтваў. Дзякуючы ўдзельнікам з сяброўскіх краін фестываль становіцца міжнародным і дазваляе казаць пра подзвіг нашага народа на ўвесь свет. Прынамсі, пра гэта сказаў Руслан Чарнецкі, які з’яўляецца міністрам культуры Беларусі, але тэатралы яго ведаюць як дзеючага артыста. На фестывалі ў яго была асаблівая роля — адзначыць лаўрэатаў.

Маладзёжная зборная Беларусі па хакеі атрымала першую перамогу на Кубку Будучыні ў Новасібірску, паведамляе БелТА.

ІІІ Рэспубліканскі тэатральны фестываль «Перамога» стартаваў на сцэне Нацыянальнага акадэмічнага тэатра імя Янкі Купалы 12 мая. Значнае культурнае мерапрыемства на працягу амаль трох тыдняў аб’яднае тэатральныя калектывы з усёй краіны. Так, да 29 мая гледачы змогуць убачыць 15 спектакляў, якія нагадаюць пра тое, якой дарагой цаной было здабыта мірнае неба над Беларуссю.

Футбалісты юнацкай зборнай Беларусі (U-17) паспяхова пачалі выступленне ў кваліфікацыі першынства Еўропы, паведамляе БелТА.

Каманда навучэнцаў ДУА «Ліцэй імя Ф. Э. Дзяржынскага БДУ», якая складаецца з чатырох чалавек пад кіраўніцтвам настаўніка матэматыкі Аляксандры Міхайлаўны Лукінай, паспяхова выступіла на III Міжнароднай алімпіядзе па матэматыцы і інфарматыцы імя Аль-Харэзмі, якая праходзіла ў Ташкенце (Узбекістан) з 7 па 13 мая. Пра гэта паведамілі SB.by.

Мінск прымае маштабны сямейны фестываль «Наша Перамога». Святочныя мерапрыемствы праходзяць на пляцоўцы каля Палаца спорту і на набярэжнай ракі Свіслач — адной з найбуйнейшых адкрытых прастор у цэнтры горада.