Сеткавае выданне zviazda.by

11 сакавіка ў горадзе Джыдзе ў Саудаўскай Аравіі прайшлі першыя публічныя кантакты паміж прадстаўнікамі ЗША і Украіны пасля сваркі Зяленскага і Трампа ў Авальным кабінеце Белага дома. Наступствамі сваркі стала тое, што Вашынгтон спачатку прыпыніў пастаўкі Кіеву ўзбраенняў, а затым перастаў даваць разведвальную інфармацыю, пад пытаннем аказалася і здзелка па ўкраінскіх прыродных выкапнях. Пасля адміністрацыя Трампа таксама пачала вінаваціць Зяленскага і яго каманду ў карупцыі і эканамічных злачынствах, заяўляла, што кіраўнік Украіны не хоча міру. Калі Зяленскі, які падтрымліваецца Захадам і яго палітыкамі, спачатку спрабаваў супраціўляцца амерыканскім нападкам, то пасля здаўся і пагадзіўся на перагаворы дэлегацый.

Год таму — 25 лютага 2024 года — у Беларусі ўпершыню прайшоў адзіны дзень галасавання. Паводле змяненняў і дапаўненняў, унесеных у Канстытуцыю на рэферэндуме 2022 года, апошняя нядзеля лютага замацавана як адзіны дзень галасавання. Менавіта тады нам трэба было выбраць 110 дэпутатаў Палаты прадстаўнікоў Нацыянальнага сходу Рэспублікі Беларусь восьмага склікання, больш за 12,5 тысячы дэпутатаў мясцовых Саветаў дваццаць дзявятага склікання — усіх трох тэрытарыяльных узроўняў. Па ўсёй краіне былі ўтвораны і адкрыты 5411 участкаў для галасавання. Многія адзначылі эфектыўнасць правядзення выбараў у адзін дзень. Эксперты расказалі пра перавагі адзінага дня галасавання.

Уладзімір Паўлоўскі, нягледзячы на свае 30 гадоў, мае вялікі вопыт грамадскай дзейнасці. Быў кіраўніком Горацкага райкама БРСМ, потым абласнога камітэта гэтай арганізацыі, уваходзіў у склад Маладзёжнай палаты пры Парламенцкім сходзе Саюза Беларусі і Расіі. Сёння ў якасці дэпутата Палаты прадстаўнікоў клапоціцца пра дабрабыт жыхароў Горацкай выбарчай акругі № 82. Для яго гэты раён вельмі блізкі і зразумелы, бо тут яго малая радзіма.

Адным з асноўных пунктаў візіту беларускай парламенцкай дэлегацыі на чале са Старшынёй Савета Рэсцублікі Наталляй Качанавай быў удзел у пленарным пасяджэнні Азіяцкай парламенцкай асамблеі, якая з’яўляецца адной з самых прадстаўнічых міжнародных парламенцкіх дэлегацый і аб’ядноўвае дзясяткі парламентаў.

Крыху больш чым тры месяцы застаецца да прэзідэнцкіх выбараў у Польшчы (як вядома, яны назначаны на 18 мая), а ўжо поўным ходам ідзе апрацоўка грамадства суседняй дзяржавы. Выбаршчыкаў усімі шляхамі імкнуцца залучыць у свае шэрагі прэтэндэнты на запаветнае крэсла. Галоўныя фігуры — саюзнік прэм’ер-міністра Дональда Туска і мэр Варшавы Рафал Тшаскоўскі, а таксама кіраўнік адыёзнага інстытута нацыянальнай памяці Караль Наўроцкі, якога падтрымлівае партыя дзейнага прэзідэнта Анджэя Дуды «Права і справядлівасць». Карацей кажучы, яшчэ той «расклад». Арсенал метадаў, як і чакалася, зноў датычыцца пошуку ворагаў — як унутры дзяржавы, так і за яе межамі. І «гульні гіен» вельмі брудныя.

Просьбы расказаць аб сваіх праблемах, прапановы накіраваць свае пытанні службовым асобам, аператыўныя звесткі аб рабоце дэпутатаў, сустрэчах з замежнымі калегамі — усім гэтым напоўненыя сацыяльныя сеткі Паўла Папко, члена Пастаяннай камісіі па міжнародных справах Палаты прадстаўнікоў. Народныя выбраннікі сцвярджаюць, што праца з насельніцтвам для іх — прыярытэт. Дык чаму б не выкарыстоўваць у гэтай справе і інтэрнэт-рэсурсы?

Прэзідэнцкая выбарчая кампанія завяршыла вялікі цыкл палітычнай мадэрнізацыі, які быў абумоўлены ўнясеннем змяненняў і дапаўненняў у Канстытуцыю Рэспублікі Беларусь. Аб гэтым у эфіры тэлеканала «Беларусь 1» паведаміў старшыня Цэнтральнай выбарчай камісіі Ігар Карпенка.

Выбары Прэзідэнта завяршылі вялікі цыкл палітычнай мадэрнізацыі ў краіне. Пра гэта заявіў у эфіры тэлеканала «Беларусь 1» старшыня ЦВК Ігар Карпенка.

Як звярнула ўвагу ў размове з журналістамі Старшыня Савета Рэспублікі Наталля Качанава, пытанні, з якімі падчас сустрэч у калектывах да давераных асоб звярталіся грамадзяне, былі рознага характару. «Каля трэці з усіх пытанняў былі агульнага парадку, на іх давераныя асобы давалі тлумачэнні адразу падчас сустрэч, — удакладніла яна. — Каля 30 % зваротаў датычыліся рэспубліканскіх органаў улады. Мы накіравалі туды гэтыя прапановы. Былі пытанні, якія датычацца нашых рэгіёнаў: гэта пытанні добраўпарадкавання, аховы здароўя, сістэмы адукацыі. Цяпер мы будзе адсочваць іх выкананне. Прэзідэнт нашай краіны даручыў нам трымаць гэтыя звароты на кантролі».

Днямі Міжнародны інстытут блізкаўсходніх і Балканскіх даследаванняў (ІFІMES) апублікаваў аналіз «Прэзідэнцкія выбары ў Беларусі 2025: новы этап грамадска-палітычнага і эканамічнага развіцця краіны». Ключавыя высновы дакумента — у нашым матэрыяле.