Сеткавае выданне zviazda.by

Прэзідэнт Беларусі Аляксандр Лукашэнка 18 жніўня падпісаў Указ № 275 «Аб развіцці аграэкатурызму». Пра гэта БелТА паведамілі ў прэс-службе кіраўніка дзяржавы. 

Беларусь з пачатку года наведалі больш за 153 тыс. замежнікаў без віз. Пра гэта БелТА паведамілі ў Дзяржаўным пагранічным камітэце.

Убачыць Парыж і памерці! Гэтая формула яшчэ працуе, але ўжо не безумоўна. Архітэктурныя помнікі, знакамітыя музеі, знакавыя месцы па-ранейшаму вабяць гасцей. Аднак адзін з самых хутка растучых сегментаў турызму — падзейны. Сучаснікі хочуць не проста адпачынку, а яркіх эмоцый, уражанняў, не толькі захаваных у помніках мінулага, але перш-наперш звязаных з днём сённяшнім. Егіпецкія піраміды, Парфенон, Луўр, шматлікія архітэктурныя і мастацкія шэдэўры ў Італіі стагоддзямі прыцягваюць падарожнікаў і будуць прыцягваць. Аднак сімвалам новай эпохі ўсё больш становіцца самавыяўленне, адлюстраванне ўласнай індывідуальнасці і ўнікальнасці. 

У разгар летняга сезона тэрасныя палі Шанбаа ў павеце Чун’і, што ў правінцыі Цзянсу (Паўднёва-Усходні Кітай), як маляўнічае палатно: сярод сакавітай зеляніны і звілістых горных схілаў утульна размясціліся вясковыя дамы, перадае «Жэньмінь жыбаа» анлайн».

«Кітайскія чыгункі» падвялі вынікі турыстычных перавозак за першае паўгоддзе. Цягнікамі скарысталіся 2,35 млрд. чалавек — гэта на 5% больш у параўнанні з аналагічным перыядам мінулага года і новы рэкорд для гэтага перыяду. За гэты ж тэрмін было арганізавана 1797 спецыяльных турыстычных цягнікоў, перадае «Жэньмінь жыбаа» анлайн».

Аб’ём турыстычных паслуг у Гомельскай вобласці за першае паўгоддзе вырас з тэмпам больш за 130 %. Пра гэта паведаміў старшыня камітэта эканомікі аблвыканкама Міхаіл Акунец на пасяджэнні па выніках сацыяльна-эканамічнага развіцця паўднёва-ўсходняга рэгіёна ў студзені-чэрвені, паведаміла БелТА.

Гісторыка-культурны турызм раскрывае ўнутраны змест нашай культуры, лічыць Ірына Варановіч, намеснік начальніка ўпраўлення па ахове гісторыка-культурнай спадчыны Міністэрства культуры. За першыя паўгода 2026-га фіксуецца павелічэнне турыстычнай плыні на знакавых гістарычных помніках Беларусі. Турыстаў прыцягваюць не толькі аб’екты сусветнай спадчыны, што занесеныя ў спіс ЮНЕСКА. У дзяржаўным спісе гісторыка-культурных каштоўнасцяў цяпер 5696 аб’ектаў, інфармацыя пра іх даступная для турыстаў, якія шукаюць не вельмі разрэкламаваныя аб’екты для наведвання.