Сеткавае выданне zviazda.by

У Беларусі рыхтуюць дарожную карту развіцця супрацоўніцтва з Ліванам. Аб гэтым у навінным эфіры тэлеканала «Беларусь 1» заявіў міністр замежных спраў Беларусі Максім Рыжанкоў, паведамляе БелТА.

Раніцай 23 лютага каля стэлы «Мінск — горад-герой» адбылася ўрачыстая цырымонія ўскладання кветак, прысвечаная Дню абаронцаў Айчыны і Узброеных Сіл Беларусі. Удзел у цырымоніі ўзяло кіраўніцтва горада і прадстаўнікі сілавых ведамстваў краіны. Карэспандэнты «Звязды» далучыліся да слаўнай традыцыі.

Часам, каб упэўніцца, чым адметны паэт, дастаткова аднаго яго верша. Неабавязкова, каб ён быў найлепшы ці, ва ўсякім разе, адным з найлепшых. Дастаткова, каб гучала тое, што дазваляе сцвярджаць аб адметнасці аўтара, яго яркай мастакоўскай індывідуальнасці, а значыць, і вылучэнні сярод іншых творцаў. Ёсць падобны твор і ў Таісы Бондар. З’явіўся ён у 1980 годзе, калі толькі ўваходзіла ў літаратуру. Ды пра яго крыху пазней.

Кожнай жанчыне хочацца быць у пары з сапраўдным мужчынам. Мужчынам ва ўсіх сэнсах гэтага слова. Каб ён трымаў за руку, аберагаў ад падзенняў і нягод. Каб усе навакольныя разумелі, што ты — яго жанчына, якая пад жалезнай абаронай, як кажуць, за каменнай сцяной. Сапраўдны мужчына — вобраз зборны. Гэта нейкі шаблон, вакол якога лунае шмат міфаў. Па такіх шаблонах ствараюць герояў фільмаў, мульцікаў і казак.

У гэтым годзе плануецца адрамантаваць больш за 10 млн кв. м вулічна-дарожнай сеткі. Аб гэтым расказаў намеснік міністра жыллёва-камунальнай гаспадаркі Андрэй Рамашка, паведамляе БелТА.

На бягучым тыдні прэм’ер-міністр Раман Галоўчанка правёў пасяджэнне Савета Міністраў, у ходзе якога былі падведзены вынікі сацыяльна-эканамічнага развіцця краіны ў 2024 годзе. На першы погляд гэта звычайнае пратакольнае мерапрыемства, тым больш што статкамітэт яшчэ раней агучыў галоўны вынік мінулага года. У 2023–2024 гадах прынятыя сістэмныя рашэнні па забеспячэнні ўстойлівай работы галін далі магчымасць не толькі выйсці на ўстойлівы станоўчы трэнд асноўных паказчыкаў сацыяльна-эканамічнага развіцця нацыянальнай эканомікі, але і прадэманстраваць гадавыя тэмпы яе росту, вышэйшыя за сярэднесусветныя значэнні. Была захавана і макраэканамічная стабільнасць. Толькі золатавалютныя рэзервы за год павялічыліся амаль на 800 млн і на 1 студзеня гэтага года склалі амаль 9 млрд долараў. І ўсё гэта без пагаршэння сацыяльных абавязацельстваў дзяржавы перад насельніцтвам, што ўжо даўно стала фірмавым брэндам Беларусі.

Паліто — не проста прадмет адзення, гэта ключавы элемент асабістага стылю. Гэта — інвестыцыя, якая акупіцца не толькі цяплом і камфортам, але і ўпэўненасцю ў сабе. Правільна падабранае па фігуры, зробленае з якаснага матэрыялу, яно здольнае пераўтварыць нават самы просты вобраз, праслужыць не адзін сезон і стаць верным спадарожнікам ва ўсякіх прыгодах і абставінах. Каб паліто захоўвало сваю прывабнасць і функцыянальнасць на доўгія гады, не забывайцеся аб правільным доглядзе: ролік для далікатнай чысткі шарсцяных тканін і адпраўка ў хімчыстку перад тым, як прыбраць гэты элемент аддзення на заслужаны летні адпачынак.

Урадавая дэлегацыя на чале з Прэм’ер-міністрам Беларусі Раманам Галоўчанкам знаходзіцца з афіцыйным візітам ва Угандзе. Другі дзень афіцыйнага візіту ў эту краіну стартаваў з перагавораў кіраўніка беларускага ўрада з прэзідэнтам краіны Ёверы Кагута Мусевені, якія адбыліся ўчора ў яго працоўнай рэзідэнцыі «State House Entebbe».

За мінулы год беларускія малакаперапрацоўчыя прадпрыемствы адгрузілі на экспарт 6 млн тон малака і малакапрадуктаў, пашырыўшы геаграфію паставак да 69 дзяржаў. На поспехах малочнай жывёлагадоўлі на знешнім контуры ў час форуму «Малочная ферма», што праходзіць цяпер у сталіцы, зрабіў акцэнт першы намеснік міністра сельскай гаспадаркі і харчавання Аляксандр Ломскі, перадае БелТА.

У музеі захоўваецца ўнікальная перапіска пісьменнікаў Канстанціна Сіманава і Давіда Ортэнберга. Лісты былі перададзены ў якасці гуманітарнай дапамогі. І гэта толькі адзін з прыкладаў, калі ўстанова бясплатна атрымлівае каштоўныя экспанаты. На думку намесніка дырэктара абласнога краязнаўчага музея Аляксандры Бураковай, гэта добрая магчымасць не толькі папоўніць фонды, але і адкрыць новыя старонкі гісторыі.