Сеткавае выданне zviazda.by

З 1 сакавіка па 15 красавіка ў вадаёмах Мінскай вобласці ўводзіцца забарона на аматарскую і прамысловую лоўлю шчупака звычайнага. Абмежаванне накіравана на захаванне папуляцыі і абарону віду ў перыяд нерасту. Пра гэта паведамляе «Мінская Праўда».

Цэнтральнай тэмай XXXIII Мінскай кніжнай выставы-кірмашу стане 35-годдзе СНД. Пра гэта расказаў намеснік міністра інфармацыі Дзяніс Езерскі на чарговым пасяджэнні Савета пастаянных паўнамоцных прадстаўнікоў дзяржаў — удзельніц Садружнасці пры статутных і іншых органах Садружнасці ў Мінску, паведамляе БелТА.

На карце натарыяльнага абслугоўвання сталіцы з’явіўся новы пункт — урачыстае адкрыццё натарыяльнай канторы № 3 Цэнтральнага раёна адбылося 24 лютага. Гэта падзея стала чарговым крокам Міністэрства юстыцыі і Беларускай натарыяльнай палаты на шляху да стварэння камфортных умоў для грамадзян і раўнамернага размеркавання нагрузкі на спецыялістаў.

У Мінску функцыянуе каля 110 дзіцячых садкоў для дзяцей да двух гадоў, і з 1 сакавіка 2026 года іх колькасць павялічыцца. Пра гэта пасля аператыўнай нарады ў Мінгарвыканкаме расказала журналістам старшыня камітэта па адукацыі Мінгарвыканкама Марына Ільіна, паведаміла БелТА.

Дабрачынны канцэрт «Мелодыя душы» з удзелам зорак беларускай эстрады пройдзе 24 лютага для падапечных дзіцячых сацыяльных устаноў — спецыяльных школ-інтэрнатаў і сацыяльных пансіянатаў. Канцэрт адбудзецца ў сталічнай канцэртнай зале МЦ «Дома моладзі».

У Мінскай вобласці за выхадныя затрымалі каля 20 нецвярозых вадзіцеляў. Пра гэта БелТА паведамілі ва УДАІ УУС Мінаблвыканкама.

Выстаўка дасягненняў «Мая Беларусь» у Мінскім міжнародным выставачным цэнтры пачала працаваць 19 снежня і прадоўжыцца па 23 лютага. Экспазіцыя выбудавана як вялікае падарожжа па краіне — можна зазірнуць у кожны яе куток як турыст, акунуцца ў традыцыі, даведацца аб дасягненнях краіны ва ўсіх сферах. Тут знаходзіць сваё кожны — і знаток гісторыі, і фанат тэхналогій, і аматар прыроды. «Маю Беларусь» наведалі больш за 440 тыс. чалавек — больш, чым у мінулым годзе. Выстаўку наведалі не толькі беларусы з усіх рэгіёнаў краіны, але і замежныя госці. Якія лакацыі выстаўкі асабліва карысталіся поспехам, па якой прычыне многія госці вяртаюцца на выстаўку зноў і зноў і чаму не варта ўпускаць шанц пабываць тут да яе закрыцця — у рэпартажы БелТА.

Колькі запытаў паступіла ў сэрвіс аўтаматычнай ацэнкі рыначнага кошту кватэр Мінска, які заснаваны на тэхналогіях штучнага інтэлекту, расказаў  БелТА старшыня Дзяржаўнага камітэта па маёмасці Віталь Нявера.

Мінск — горад вельмі важны, патрэбны і блізкі. Пра гэта расказала расійская актрыса тэатра і кіно Эвеліна Блёданс.