Неабходна выкарыстоўваць усе магчымасці для таго, каб увесь час удасканальваць Узброеныя Сілы, ніколькі не адставаць у іх развіцці і, адпаведна, належным чынам забяспечваць абараназдольнасць нашай дзяржавы. Аб гэтым заявіў падчас семінара з кіраўнікамі рэспубліканскіх сродкаў масавай інфармацыі міністр абароны Рэспублікі Беларусь Андрэй Раўкоў.
«Пераўзбраенне і мадэрнізацыя, вядома ж, зыходзяць з рэалій часу. Аднак баяздольнасць войска павінна быць на самым высокім узроўні, — заўважыў кіраўнік абароннага ведамства. — Наша галоўная задача — папярэдзіць ваенныя канфлікты».
У тым, што порах у беларускім войску насамрэч трымаюць сухім, пераканаліся ўдзельнікі семінара, які, дарэчы, прайшоў на базе 61-й авіяцыйнай базы ваенна-паветраных сіл і войскаў супрацьпаветранай абароны. Прадстаўнікі СМІ на ўласныя вочы пабачылі найноўшыя ўзоры ўзбраення і тэхнікі.
Захар БУРАК
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
