Вы тут

Курс на «зялёную» эканоміку


Летась эксперты Еўрапейскай эканамічнай камісіі Арганізацыі Аб'яднаных Нацый правялі трэці агляд выніковасці экалагічнай дзейнасці Беларусі (АВЭД Беларусі), вынікі якога былі зацверджаны на 21-ай сесіі Камітэта па экалагічнай палітыцы ЕЭК ААН у кастрычніку 2015 года ў Жэневе. Гэты дакумент з'яўляецца інструментам прасоўвання нацыянальнай прыродаахоўнай палітыкі, дазваляе не толькі акрэсліць шэраг праблем у гэтай сферы, але заахвоціць для іх вырашэння экспертаў і спонсараў. Эксперты даюць рэкамендацыі, якім чынам развіваць эканоміку без шкоды навакольнаму асяроддзю. Па выніках трэцяга АВЭД Беларусі выявілася, што наша краіна выканала рэкамендацыі другога агляду больш чым на 80%.


— Экалагічная палітыка з'яўляецца складнікам нацыянальнай бяспекі, — пракаментаваў прэм'ер-міністр Беларусі Андрэй КАБЯКОЎ. — Менавіта таму беражлівыя адносіны да рэсурсаў, гарманічнае развіццё эканомікі ў спалучэнні з захаваннем прыроды стала напрамкам развіцця, які Беларусь выбрала для сябе.

Таксама прэм'ер-міністр адзначыў, што Беларусь можа прапаноўваць свае напрацоўкі міжнароднай супольнасці. Так, наша краіна стала першай сярод удзельніц СНД, якая ўкараніла прынцып пашыранай адказнасці вытворцаў. Сярод іншых дасягненняў — распрацаваная сістэма мер па развіцці «зялёнай» эканомікі, курс на якую падтрымаў Прэзідэнт.

— Цяпер перад намі стаяць наступныя задачы: па-першае, трэба ўкараніць устойлівыя мадэлі вытворчасці і спажывання ва ўсіх галінах эканомікі. Па-другое, неабходна перайсці да «зялёных» закупак — далейшае нерацыянальнае выкарыстанне прыродных рэсурсаў недапушчальнае. Па-трэцяе, мы мусім развіваць і ўкараняць інавацыйныя тэхналогіі, — падсумаваў Андрэй Кабякоў.

Таксама ён падкрэсліў, што для Беларусі вельмі важная аб'ектыўная ацэнка замежных экспертаў і іх бачанне перспектыў развіцця дзяржавы. АВЭД павышае статус краіны на міжнароднай арэне.

— Агляд дае пазітыўны сігнал аб тым, што Беларусь з'яўляецца адной з краін, якія найбольш адказна ставяцца да выканання рэкамендацый, — рэзюмаваў выканаўчы сакратар ЕЭК ААН Крысціян Фрыіс БАХ. — Гэта сведчыць аб тым, што краіна гатова змяняцца і прыслухоўвацца да меркавання спецыялістаў і такім чынам стварае спрыяльныя ўмовы для прыцягнення фінансавых сродкаў. Спадзяюся, што агляд дапаможа пры распрацоўцы плана сацыяльна-эканамічнага развіцця Беларусі для дасягнення мэт устойлівага развіцця.

Фота Кастуся ДРОБАВА

Выбар рэдакцыі

Грамадства

Ежа ці сімвал? Самы час зацікавіцца роспісам яек

Ежа ці сімвал? Самы час зацікавіцца роспісам яек

Карэспандэнт «Звязды» схадзіла на майстар-клас па стварэнні «пісанак».

Культура

Карэспандэнты «Звязды» пабывалі на начных здымках нацыянальнага кінапраекта

Карэспандэнты «Звязды» пабывалі на начных здымках нацыянальнага кінапраекта

Гісторыка-прыгодніцкая стужка пра Беларусь, беларуса-ваяра і беларуса-вучонага.

Спорт

Тры медалі ў беларусаў на этапе Кубка свету па скачках на батуце

Тры медалі ў беларусаў на этапе Кубка свету па скачках на батуце

Больш за 150 спарт­сме­наў з 36 кра­ін све­ту — гэта са­мыя моц­ныя ба­ту­тыс­ты су­час­нас­ці.