Вы тут

Адбыўся экафестываль «Зялёная эканоміка як беларускі культурны код»


У Навагрудку адбыўся экафестываль «Зялёная эканоміка як беларускі культурны код», арганізаваны раённым выканаўчым камітэтам і прадстаўніцтвам Еўрапейскага саюза ў нашай краіне.


Сар­та­валь­ную лі­нію цвёр­дых бы­та­вых ад­хо­даў у На­ва­груд­ку аснас­ці­лі су­час­ным аб­ста­ля­ван­нем.

Галоўнай падзеяй свята стала адкрыццё ў горадзе сартавальнай лініі цвёрдых бытавых адходаў. Яна дазволіць значна знізіць нагрузку на экалогію раёна, а мясцовая камунальная служба зможа не толькі ўтылізаваць смецце на сучасным узроўні, але і атрымліваць ад гэтага эканамічную выгаду.

Аб уводзе такога аб'екта паклапаціліся Міністэрства жыллёва-камунальнай гаспадаркі, Навагрудскі райвыканкам і праект «Падтрымка рэгіянальнага і мясцовага развіцця», які фінансуецца Еўрапейскім саюзам. За сродкі ЕС (795 935 еўра) сартавальную лінію аснасцілі сучасным абсталяваннем — кантэйнерамі для адходаў, смеццявозамі, прэсам, пагрузчыкам. А беларускі бок выдаткаваў 6,5 мільярда рублёў на праектныя, мантажна-будаўнічыя работы і частку абсталявання.

На цэнтральнай плошчы Навагрудка свае шатры разгарнулі 8 «зялёных» праектаў, якія ажыццяўляюцца ў розных рэгіёнах Беларусі пры фінансавай падтрымцы Еўрапейскага саюза. Удзельнікі фестывалю гулялі ў энергаэфектыўныя віктарыны, з дапамогай «анлайн-калькулятараў» вучыліся эканоміць на паслугах ЖКГ, знаёміліся з будовай сонечных батарэй і электрабайкаў. Дарэчы, сёлета гэта ўжо другое гарадское свята ў рэспубліцы пад слоганам «Зялёная эканоміка як беларускі культурны код» — першае адбылося ў Полацку. Мяркуецца, што на працягу лета мабільны дэсант «зялёных» праектаў пабывае і ў іншых гарадах краіны.

У тэму

На фестывалі ў Навагрудку праекты Праграмы развіцця ААН «Зялёная эканоміка» і «Энергаэфектыўнасць у школах» прадставілі дзве інтэрактыўныя гульні, якія папулярызуюць ідэі энергаэфектыўнасці, рацыянальнага выкарыстання прыродных рэсурсаў, адказнага стаўлення да навакольнага асяроддзя. Гульня «Зялёная эканоміка» (для мабільных тэлефонаў і планшэтаў) знаёміць з «зялёнай» энергетыкай, экатурызмам, правільным абыходжаннем з адходамі, «зялёным» транспартам. А настольная гульня «Энергаполіс» прапануе прыгодніцкую прагулку з прадстаўленнем практычна ўсіх сучасных «зялёных» тэхналогій. Пасля праходжання гульні ўдзельнікі атрымаюць уяўленне, як можа і павінен выглядаць «зялёны» горад будучыні.

Барыс ПРАКОПЧЫК

prakopchіk@zvіazda.by

Фота прадастаўлена агенцтвам EZERІN,COM.

Загаловак у газеце: Зялёная эканомікаяк беларускі культурны код

Выбар рэдакцыі

Грамадства

Прыёмная кампанія: да чаго рыхтавацца?

Прыёмная кампанія: да чаго рыхтавацца?

Зроблены першы крок да аб'яднання экзаменаў.

Культура

Гурт Іrdorath: Наш пасыл - быць сапраўднымі і свабоднымі

Гурт Іrdorath: Наш пасыл - быць сапраўднымі і свабоднымі

Прыклад гісторыі, калі талент сам прабівае сабе месца пад сонцам.

Палітыка

Топ-5 дасягненняў Беларусі ў міжнародных адносінах

Топ-5 дасягненняў Беларусі ў міжнародных адносінах

Гэта не пачатак кнігі-антыўтопіі або фантастычнага фільма пра будучыню нашай планеты.

Грамадства

Міністр аховы здароўя расказаў пра стан медыцыны ў краіне

Міністр аховы здароўя расказаў пра стан медыцыны ў краіне

У 2019 годзе медыцынскую дапамогу ў Беларусі аказвалі на належным узроўні.