22 студзеня, панядзелак

Вы тут

Адукацыйны праект TeensCool дапаможа старшакласнікам запусціць стартап


Арганізатары адукацыйнага праекта TeensCool сцвярджаюць, што за кароткі час могуць навучыць старшакласнікаў асновам ІT і разам з імі запусціць у вялікае жыццё новы стартап.


— Па сутнасці, мы стварылі праект ранняй прафесійнай арыентацыі для старшых школьнікаў, удзельнікі якога могуць атрымаць першую адукацыю ў ІT-кірунку, — уводзіць у курс справы кіраўнік ІT-школы Myfreedom Алена ДЗІНМАН. — Задума — даць падлеткам працоўны досвед, магчымасць паспрабаваць сябе ў ролі айцішніка і прайсці ўсе стадыі развіцця разам са сваім стартапам. Каманда навучэнцаў разам прыдумляе праект, рэалізуе яго і праводзіць кампанію па прасоўванні прадукта. Кожны з удзельнікаў прымярае на сябе якую-небудзь ролю: менеджара, бізнес-аналітыка, праграміста, тэсціроўшчыка і гэтак далей. Акрамя таго, мы часта наведваем вялікія ІT-кампаніі Беларусі, супрацоўнічаем з Паркам высокіх тэхналогій. Прасцей кажучы, хочам, каб старшакласнікі паглядзелі на прафесію знутры, убачылі, як гэта працуе і зрабілі канчатковы выбар.

Усё пачынаецца з прафарыентацыі: навучэнцам расказваюць, якія прафесіі ёсць у свеце інфармацыйных тэхналогій, пра іх адметнасці. Наступны крок — бізнес-аналіз: дзеці вучацца ўзаемадзейнічаць з заказчыкам, складаюць тэхнічнае заданне для сайта. Далей — планаванне праекта і шэраг трэнінгаў: камандаўтварэнне, самапрэзентацыя, камунікацыя. Пасля кожны ўдзельнік выбірае для сябе ролю, якую будзе выконваць, і каманда прыступае да галоўнага — рэалізацыі і прасоўвання.

— Наш праект — гэта сайт для валанцёраў пад назвай «Dapamagі.by», — дзеліцца выпускнік Ліцэя БДУ, новаспечаны студэнт першага курса факультэта прыкладной матэматыкі і інфарматыкі Беларускага дзяржаўнага ўніверсітэта Кірыл МІХАЙЛОВІЧ. — Ён вылучаецца высокім узроўнем інтэрактыўнасці. Карыстальнік, які зарэгістраваўся на нашай платформе, зможа ствараць новыя валанцёрскія акцыі, а таксама шукаць цікавыя яму прапановы. Умоўна кажучы, нехта хоча правесці суботнік і прыбраць лісце ў парку каля дома, для гэтага яму патрэбны 20 валанцёраў. Зацікаўленыя заходзяць на сайт, бачаць інфармацыю, рэгіструюцца. Пакуль што нічога падобнага ў Беларусі няма. Рэсурс цяпер у стадыі распрацоўкі, ужо зроблены яго макет.

Як адзначае Алена Дзінман, у праекце ўдзельнічаюць вучні 9—11 класаў. Па яе словах, у гэтым узросце падлеткі ўжо свядома задумваюцца пра будучыню і гатовы дзеля яе мэтанакіравана і сур'ёзна працаваць. Цяпер у школе займаецца летняя група — 16 чалавек.

Праект TeensCool зараз працуе ў эксперыментальным рэжыме, і першыя групы займаюцца бясплатна. Заняткі ў школе падчас навучальнага года будуць каштаваць 92 рублі за месяц, працягласць курса — 9 месяцаў, як паўнавартасны навучальны год.

Яраслаў ЛЫСКАВЕЦ

lyskavets@zvіazda.by

Загаловак у газеце: Удзельнікі стартапа... вучні школ

Дадаць каментар

Выбар рэдакцыі

Грамадства

Звычайная настаўніца фізікі трапіла на адронны калайдар

Звычайная настаўніца фізікі трапіла на адронны калайдар

Што насамрэч адбываецца на мяжы Швейцарыі і Францыі, дзе на глыбіні каля ста метраў размяшчаецца Вялікі адронны калайдар?

Грамадства

Як мы наведалі курсы перападрыхтоўкі для беспрацоўных

Як мы наведалі курсы перападрыхтоўкі для беспрацоўных

Не так даўно навукоўцы выявілі, што стрэс ад страты або змены месца працы ўваходзіць у топ-3 самых моцных негатыўных перажыванняў сучасных людзей. 

Грамадства

Як беларускія дзяўчаты частавалі ліванцаў стравамі з бульбы

Як беларускія дзяўчаты частавалі ліванцаў стравамі з бульбы

Ваенныя медыкі Вера Паўлянковіч і Вольга Яхнавец  былі ў Ліване з міратворчай місіяй.