Вы тут

«Белая Русь» абмеркавала вынікі мінулых парламенцкіх выбараў


У Палацы Рэспублікі члены рэспубліканскага грамадскага аб'яднання "Белая Русь" падвялі вынікі ўдзелу ў парламенцкай кампаніі. Удзельнікі арганізацыі абмеркавалі кампанію па выбарах дэпутатаў Палаты прадстаўнікоў Нацыянальнага сходу Рэспублікі Беларусь VI склікання, а таксама магчымыя формы ўзаемадзеяння дэпутатаў з "Белай Руссю".


"Удзел нашай арганізацыі ў выбарчай кампаніі – гэта ўжо не проста традыцыя, а палітычная неабходнасць, – падкрэсліў у сваім выступленні старшыня “Белай Русі” Аляксандр Радзькоў. – З 2008 года "Белая Русь" прымае ўдзел у кампаніях па выбарах дэпутатаў усіх узроўняў".

Падчас мінулых выбараў арганізацыя вылучыла сваіх прадстаўнікоў для працы ва ўчастковых камісіях, прадастаўляла офісы для кандыдатаў-членаў "Белай Русі" і аказала сур'ёзную падтрымку ў фарміраванні выбарчых фондаў сваіх кандыдатаў. Усе дзеянні былі ўзгоднены са стратэгіяй, прынятай на адным са з'ездаў грамадскага аб'яднання.

Акрамя таго, у перыяд выбараў "Белая Русь" актыўна супрацоўнічала з міжнароднымі арганізацыямі. Па словах Аляксандра Радзькова, пацвярджэннем палітычнага аўтарытэту аб'яднання з'яўляецца той факт, што з пачатку кампаніі назіральнікі АБСЕ наведалі практычна ўсе структуры арганізацыі. Па выніках выбараў міжнародныя назіральнікі неаднаразова падкрэслівалі, што задаволены супрацоўніцтвам з "Белай Руссю".

У выніку кампаніі большасць выбраных дэпутатаў – гэта члены "Белай Русі". На думку Аляксандра Радзькова, дэпутатам новага склікання трэба будзе прымаць рашэнні, якія дапамогуць пераадолець негатыўныя з'явы ў эканоміцы. Плённая работа ў першую чаргу павінна быць заснавана на даверных адносінах з суграмадзянамі, бо пастановы дэпутатаў павінны прыносіць карысць грамадству.

Адным з кірункаў, у якім грамадскае аб'яднанне можа пачаць працу, з'яўляецца супрацоўніцтва арганізацыі з сацыяльнымі сеткамі. Як зазначыў член аналітычнай групы "Белай Русі" Аляксей Дзермант, арганізацыі неабходна распрацоўка ўласнай інфармацыйнай палітыкі, накіраванай непасрэдна ў грамадства.

Уладзіслаў ЛУКАШЭВІЧ

Фота аўтара

Выбар рэдакцыі

Культура

Карэспандэнтка «Звязды» з'ездзіла на кінафестываль Żubrоffkа

Карэспандэнтка «Звязды» з'ездзіла на кінафестываль Żubrоffkа

Раім вам у наступным годзе адправіцца туды самім.

Спорт

Спартсмен Валерый Макарэвіч: Мара ў мяне адна — стаць прафесіяналам сваёй справы

Спартсмен Валерый Макарэвіч: Мара ў мяне адна — стаць прафесіяналам сваёй справы

Як варатар зборнай Беларусі па пляжным футболе сумяшчае гульню з роляй настаўніка і бацькі.  

Калейдаскоп

Вясёлыя гісторыі чытачоў

Вясёлыя гісторыі чытачоў

Языку дай волю..., Хвалі дзень вечарам, Людзі — добрыя.

Палітыка

Наталля Качанава: Самае галоўнае — людзі і стаўленне да іх

Наталля Качанава: Самае галоўнае — людзі і стаўленне да іх

Спікер верхняй палаты акрэсліла асноўныя задачы, якія стаяць перад сёмым скліканнем Савета Рэспублікі.