Вы тут

Спёка вернецца ў канцы тыдня, дажджы — таксама


На гэтым тыдні сіноптыкі зноў прагназуюць у Беларусі цёплае надвор'е. Пра гэта паведамляюць у Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды. У другой палове тыдня тэмпература паветра днём у асобных рэгіёнах будзе перавальваць за +30 0С.


На пачатку тыдня ўмовы надвор'я на тэрыторыі краіны будзе дыктаваць вобласць павышанага атмасфернага ціску. Чакаецца пераменная воблачнасць, без ападкаў. Ноччу і ранкам у асобных раёнах магчымы непрацяглыя слабыя туманы. Сёння, у аўторак, тэмпература паветра ноччу складзе 8—14 градусаў цяпла, па паўднёвым усходзе — да плюс 16. Днём слупок тэрмометра падымецца да 21—27 градусаў вышэй за нуль. Падобнае надвор'е будзе і ў сераду: ноччу 9—16 вышэй за нуль, днём — 23—29 цяпла.

Пасля гэтага пад уплывам высокага атмасфернага ціску з тэрыторыі Заходняй Еўропы пачнуць змяшчацца малаактыўныя атмасферныя франты, якія прынясуць больш цёплыя і вільготныя паветраныя масы. У асобных раёнах пройдуць кароткачасовыя дажджы, магчымы навальніцы. Ноччу і ранкам чакаецца слабы туман. Тэмпература паветра ў чацвер ноччу складзе 13—18 вышэй за нуль, удзень слупок тэрмометра падымецца да 23—29 градусаў, а па поўдні краіны — да 30—31. У пятніцу ноччу будзе 11—19 цяпла, удзень — 14—29, а па поўдні да плюс 30—32.

Паводле папярэдніх прагнозаў, аналагічнае надвор'е захаваецца і на выхадныя. У суботу пераважна ў паўночна-заходніх раёнах краіны пройдуць кароткачасовыя дажджы і навальніцы. Ноччу і ранкам чакаецца слабы туман. Тэмпература паветра ўначы складзе 13—20 градусаў вышэй за нуль, удзень — 25—32. У нядзелю ноччу па захадзе, а днём па большай часці тэрыторыі краіны пройдуць кароткачасовыя дажджы, у асобных раёнах чакаюцца навальніцы. Ноччу і ранкам слабы туман. Тэмпература паветра ў цёмны час сутак будзе 14—21 градусаў вышэй за нуль, удзень — 24—29 цяпла, а па ўсходзе Беларусі — 30—32 са знакам «плюс».

Яраслаў ЛЫСКАВЕЦ

lyskavets@zvіazda.by

Выбар рэдакцыі

Спорт

Анастасія Мірончык-Іванова: «Веру ў сябе і ў свае сілы»

Анастасія Мірончык-Іванова: «Веру ў сябе і ў свае сілы»

У спорце ёй двойчы прыходзілася пачынаць усё спачатку.

Грамадства

 Малая гістарычная радзіма — вёска Харобічы на Чарнігаўшчыне. Рэпартаж

Малая гістарычная радзіма — вёска Харобічы на Чарнігаўшчыне. Рэпартаж

Нудна больш не будзе. Гэтую і многія іншыя цытаты з савецкага фільма «Вяселле ў Малінаўцы» падчас паездкі ў госці да жоўта

Грамадства

Што трэба, каб пражыць даўжэй?

Што трэба, каб пражыць даўжэй?

Герыятр распавядае пра сакрэты доўгажыхароў і тое, што падаўжае наша жыццё.