Вы тут

Валерый Барадзеня пра тое, чаму чытач аддае перавагу «Звяздзе»


У чарговым выпуску рубрыкі пра тое, чаму чытач аддае перавагу «Звяздзе», мы пагутарылі з намеснікам старшыні Пастаяннай камісіі Палаты прадстаўнікоў Нацыянальнага сходу Беларусі па бюджэце і фінансах Валерыем БАРАДЗЕНЯЙ.


— Я з таго пакалення, якое вырасла на газетах, бо ў нас ніякіх гаджэтаў не было. Дакладней сказаць, быў чорна-белы тэлевізар з трыма каналамі, якія члены сям'і глядзелі па раскладзе (смяецца). І памятаю тыя часы, калі газеты адрывалі «з рукамі», асабліва ў часы перабудовы. Пачынаў я з таго, што выпісвалі бацькі, і вось ужо гадоў 25 я чытаю газеты, у тым ліку — і «Звязду».

Мне вельмі падабаецца газета, таму што яна выходзіць на беларускай мове. Можа быць, гэта прагучыць некалькі дзіўна, бо кожны дзень я выкарыстоўваю рускую мову, але я скончыў беларускамоўную школу, вывучаў усе дысцыпліны па-беларуску, — і мне прыемна бачыць мову на старонках газеты. Хтосьці можа сказаць, што тое не вельмі выгадна для выдання з пункту гледжання канкурэнцыі, але гэта сапраўды каларытна і прыгожа.

Матэрыялы, у якіх асвятляецца работа парламента, з'яўляюцца актуальнымі. Парламенцкі аспект даволі спецыфічны, тым не менш артыкулы па гэтай тэматыцы з'яўляюцца рэгулярна. Паколькі я працую ў гэтай сферы, для мяне гэта важна.

Мне вельмі падабаюцца матэрыялы, прысвечаныя жыццю ў рэгіёнах, па-за межамі Мінска. Вось гэта менавіта тое, што прыцягвае мяне ў вашай газеце, тое, з-за чаго я з задавальненнем чытаю «Звязду». Дарэчы, у маім асабістым рэйтынгу газет ваша займае адно з першых месцаў.

Запісаў Уладзіслаў ЛУКАШЭВІЧ

lukashevich@zvіazda.by

Загаловак у газеце: Дзякуй — за мову, парламент і рэгіёны

Дадаць каментар

Выбар рэдакцыі

Грамадства

Як гэта было: шчыры аповед аб усынаўленні

Як гэта было: шчыры аповед аб усынаўленні

Алене хутка будзе 44, яна выкладае ў адным са сталічных універсітэтаў. 

Грамадства

Школа заўтрашняга дня. У трэндзе — медыянавыкі, гейміфікацыя і сторытэлінг

Школа заўтрашняга дня. У трэндзе — медыянавыкі, гейміфікацыя і сторытэлінг

У мінулыя выхадныя сталічны бізнес-клуб «Імагуру» ўжо другі раз прымаў на сваіх плошчах педагагічную неканферэнцыю. 

Культура

Гісторыкі спадзяюцца знайсці дакладную дату заснавання Мірскага замка

Гісторыкі спадзяюцца знайсці дакладную дату заснавання Мірскага замка

Вызначыць дакладны час з'яўлення на Беларусі вядомага абарончага збудавання дагэтуль немагчыма, хоць розных гіпотэз існуе шмат.