На зямлі, якая некалі належала роду Міцкевічаў, дзе нарадзіўся аўтар паэм «Дзяды», «Пан Тадэвуш», «Гражына», балады «Свіцязянка», цяпер дзейнічае музей-сядзіба.
У летнія дні сюды часта наведваецца былы жыхар хутара Завоссе (а цяпер — вёскі Новыя Войкавічы Баранавіцкага раёна) Віктар Шпакоўскі, каб скасіць, падсушыць і вывезці сена. Некалі яго прапрадзед жыў побач з бацькамі паэта. Вядома, продкі-суседзі ведалі адно аднаго, дапамагалі, выручалі, і, несумненна, Віктар Антонавіч ганарыцца гэтым фактам, часта нагадвае пра сваю сямейную гісторыю іншым. А падчас сенакосу яму дапамагаюць Дзмітрый Равінскі і Яўген Гладкі — рабочыя музея-сядзібы «Завоссе», якіх у час працы сфатаграфаваў наш фотакарэспандэнт Анатоль Кляшчук.
Сумесныя праекты ядзерных тэхналогій.
