Вы тут

Каб экзоты не выходзілі "ў людзі"


Мінпрыроды заклікае неабыякавых грамадзян паведамляць пра факты незаконнага ўтрымання ці развядзення ў няволі дзікіх жывёл

Апошнім часам у СМІ перыядычна з'яўляліся навіны, звязаныя са з'яўленнем па-за месцамі ўтрымання дзікіх, часцей за ўсё экзатычных, жывёл — змеяў, папугаяў і нават страусаў. Некаторыя з гэтых уцекачоў, напрыклад змеі, нясуць рэальную пагрозу людзям.

Каб выключыць такія выхады жывёл "у людзі" і прадухіліць незаконнае іх утрыманне, спецыялісты прыродаахоўнага ведамства на працягу верасня праводзяць маніторынг жывёл, што ўтрымліваюцца ў няволі, — гэта датычыцца чырванакніжнікаў і экзатычных відаў. Інспектары правяраюць, ці знаходзяцца гэтыя жывёлы фактычна ў гаспадароў, а таксама як выконваюцца патрабаванні да іх утрымання і развядзення ў няволі.

У Мінпрыроды звяртаюць увагу на важнасць рэгістрацыі дзікіх жывёл, што ўтрымліваюцца ў няволі. Гэта працэдура дапамагае не толькі ўлічваць рэдкія віды жывёл і тыя, што знаходзяцца на мяжы знікнення, але і ствараць для іх гуманныя і спрыяльныя ўмовы ўтрымання і, што немалаважна, падтрымліваць бяспеку грамадзян.

— Мы просім грамадзян, якія маюць якую-небудзь інфармацыю пра незаконнае ўтрыманне ці развядзенне ў няволі дзікіх жывёл, паведамляць пра гэтыя факты ў абласныя, Мінскі гарадскі камітэты прыродных рэсурсаў і аховы навакольнага асяроддзя. Тэрытарыяльныя органы Мінпрыроды прымуць неабходныя меры рэагавання, — адзначылі ў прэс-службе прыродаахоўнага ведамства.

Настасся АЛЯКСЕЕВА

Выбар рэдакцыі

Грамадства

Пастырскае Пасланне Мітрапаліта Тадэвуша Кандрусевіча на Вялікдзень

Пастырскае Пасланне Мітрапаліта Тадэвуша Кандрусевіча на Вялікдзень

Глыбокапаважаныя святары, кансэкраваныя асобы, браты і сёстры!

Грамадства

Рэспубліканскі суботнік прайшоў у Беларусі

Рэспубліканскі суботнік прайшоў у Беларусі

Ён прымеркаваны да Года малой радзімы.

Культура

Карэспандэнты «Звязды» сустрэліся са сваячкай Паўліны Мядзёлкі

Карэспандэнты «Звязды» сустрэліся са сваячкай Паўліны Мядзёлкі

12 верасня 1893 года ў сям'і Вінцэнта і Францішкі Мядзёлкаў нарадзілася дачка, якой далі прыгожае імя Паўліна. 

Культура

Вольга Падгайская: Калі праект і здараецца, то ў якасці ледзь не выключэння

Вольга Падгайская: Калі праект і здараецца, то ў якасці ледзь не выключэння

Гэта трэба, канешне, проста паслухаць — музыку аднаго з найдзіўнейшых сучасных беларускіх кампазітараў.