Вы тут

Парламентарыі з Кітая прыехалі ў Беларусь


Дзеля абмену вопытам дзейнасці ў сацыяльнай сферы парламентарыі з Кітая прыехалі ў Беларусь. Учора яны сустрэліся са сваімі беларускімі калегамі ў Палаце прадстаўнікоў.


Баляслаў ПІРШТУК, намеснік старшыні Палаты прадстаўнікоў Нацыянальнага сходу, адзначыў: «Мы, безумоўна, пільна сочым за сітуацыяй, якая адбываецца ў Кітаі. Нас вельмі радуюць і здзіўляюць перш за ўсё тэмпы росту эканомікі вашай краіны». Дэпутат расказаў, што азнаёмлены з той амбіцыйнай задачай, якая стаіць перад кітайскім народам у найбліжэйшай перспектыве. Пры гэтым ён заўважыў, што відаць, як растуць не толькі «лічбы» (тавараабарот і іншае), але і ўзровень дабрабыту людзей, і дадаў, што прыкладна такія ж задачы стаяць і перад нашай краінай. Узаемнае вывучэнне вопыту дапаможа прасоўваць агульныя інтарэсы.

Кітайскую дэлегацыю падчас візіту чакае насычаная праграма, беларускі бок таксама цікавяць кітайскія напрацоўкі ў сацыяльным сектары. ЖЭНЬ Сяньлян, намеснік старшыні Камітэта па сацыяльным будаўніцтве Усекітайскага сходу народных прадстаўнікоў Кітая, расказаў, што камітэт займаецца пытаннямі працаўладкавання і сацыяльнага забеспячэння насельніцтва, а таксама абаронай правоў і інтарэсаў спецыяльных груп. Жэнь Сяньлян акцэнтаваў, што ёсць моманты, у якіх кітайскаму боку было б цікава павучыцца ў беларускага, — гэта экалогія і сацыяльнае будаўніцтва.

Дарэчы, Кітай самы вялікі эканамічны партнёр Беларусі ў Азіі. За студзень — жнівень гэтага года тавараабарот паміж краінамі склаў амаль 2,3 мільярда долараў. Гэта 122 % да адпаведнага перыяду 2017-га, прычым амаль сінхронна падраслі і экспарт, і імпарт.

Надзея АНІСОВІЧ

Выбар рэдакцыі

Культура

Існавала павер'е, што на Русальны тыдзень нельга хадзіць у лес

Існавала павер'е, што на Русальны тыдзень нельга хадзіць у лес

«Прыйшло лета, спякота, і мы ўсё часцей і часцей ідзём на рэчку».

Грамадства

Першая зімоўка на Паўднёвым полюсе можа адбыцца ў 2020 годзе

Першая зімоўка на Паўднёвым полюсе можа адбыцца ў 2020 годзе

«Знаходжанне беларускіх палярнікаў у Антарктыдзе — гэта не вандроўка натуралістаў».

Спорт

Апублікаваны даведнік «Мінск» — карысны для турыстаў і падарожнікаў

Апублікаваны даведнік «Мінск» — карысны для турыстаў і падарожнікаў

Ён быў падрыхтаваны адмыслова напярэдадні II Еўрапейскіх гульняў.

Грамадства

У Полацку ўпершыню знойдзена пахаванне князя

У Полацку ўпершыню знойдзена пахаванне князя

Сярод знаходак — нямала сенсацый.