Вы тут

Ці выплацяць дапамогу на дзіця, калі ўсынавіцель змяніў дату нараджэння?


Ці мае права на дапамогу ў сувязі з нараджэннем дзіцяці ўсынавіцель, калі на падставе рашэння суда аб усынаўленні зменена дата нараджэння дзіцяці і яго ўзрост стаў менш за 6 месяцаў? На момант усынаўлення дзіцяці было 11 месяцаў (дата нараджэння — 11.10.2017), але рашэннем суда яго дата нараджэння была змененая, і дзіця стала маладзейшым (новая дата нараджэння — 15.07.2018). Рашэнне суда аб усынаўленні ўступіла ў сілу з 25.09.2018.

(Ірына, г. Гомель).


Адказвае кансультант упраўлення народанасельніцтва, гендарнай і сямейнай палітыкі Міністэрства працы і сацыяльнай абароны Святлана Коваль:

— Права на аднаразовую дапамогу ў сувязі з нараджэннем дзіцяці маюць асобы, якія ўсынавілі (удачарылі) дзіця ва ўзросце да 6 месяцаў (арт. 11 закона «Аб дзяржаўных дапамогах сем'ям, якія выхоўваюць дзяцей»).

Памер дапамогі ў сувязі з нараджэннем дзіцяці вызначаецца на дату нараджэння ўсыноўленага дзіцяці.

Пры вызначэнні права на дапамогу ў сувязі з нараджэннем дзіцяці і памеру гэтай дапамогі разглядаецца дата нараджэння дзіцяці, якая змешчана ў пасведчанні аб яго нараджэнні, гэта значыць 15.07.2018. Паколькі дзіця 15.07.2018 года нараджэння, і ўсыноўленае 25.09.2018 (ва ўзросце да 6 месяцаў), права на дапамогу ў сувязі з нараджэннем дзіцяці ваша сям'я мае.

Звярнуцца па прызначэнне дапамогі ў сувязі з нараджэннем дзіцяці неабходна на працягу 6 месяцаў з дня ўступлення ў сілу рашэння суда аб усынаўленні дзіцяці — у вашым выпадку не пазней за 25.03.2019 года.

Дакументамі, на падставе якіх вам будзе прызначана ўказаная дапамога, з'яўляюцца пасведчанне аб нараджэнні дзіцяці і копія рашэння суда аб усынаўленні (удачарэнні). Пры гэтым усынавіцель (удачарыцель) замест поўнай копіі рашэння суда можа прадставіць частковую выпіску з гэтага рашэння без указання звестак аб мінулым дзіцяці.

Дадаткова варта адзначыць, што з дня ўступлення ў сілу рашэння суда аб усынаўленні дзіцяці (з 25.09.2018) ваша сям'я мае права і на прызначэнне дапамогі па доглядзе дзіцяці ва ўзросце да 3 гадоў.

Святлана БУСЬКО

Выбар рэдакцыі

Эканоміка

Петришенко: Называть ЕАЭС экономическим союзом сегодня можно только авансом

Петришенко: Называть ЕАЭС экономическим союзом сегодня можно только авансом

Однако наша страна надеется, что это временные трудности.

Грамадства

Апублікаваны поўны тэкст Канцэпцыі інфармацыйнай бяспекі Беларусі

Апублікаваны поўны тэкст Канцэпцыі інфармацыйнай бяспекі Беларусі

Дзяржаўным органам і іншым арганізацыям даручана кіравацца палажэннямі канцэпцыі ў практычнай дзейнасці.

Калейдаскоп

Каля 150 спартсменаў-аматараў хочуць выступіць у «даеўрапейскіх гульнях»

Каля 150 спартсменаў-аматараў хочуць выступіць у «даеўрапейскіх гульнях»

Трэніроўкі і здымкі ўдзельнікаў пачнуцца ў красавіку.

Грамадства

Сувораўскае вучылішча вачыма яго навучэнцаў

Сувораўскае вучылішча вачыма яго навучэнцаў

Быць сувораўцам ва ўсе часы было прэстыжна.