Беларускі гумар заўсёды славіўся мудрасцю і дабрынёй. Працягваючы традыцыі класікаў, сучасныя беларускія пісьменнікі часта напаўняюць свае творы добразычлівай іроніяй.
Брэсцкае абласное аддзяленне Саюза пісьменнікаў Беларусі запрашае да ўдзелу ў рэспубліканскім гумарыстычным конкурсе «Папяровы бусел», які праводзіцца з 1 студзеня па 15 сакавіка на дзвюх мовах — рускай і беларускай. Два аўтары, якія зоймуць першыя месцы ў намінацыях «Малая проза» (да 10 000 знакаў) і «Паэзія», з’яўляюцца пераможцамі конкурсу, узнагароджваюцца памятнымі статуэткамі і граматамі, запрашаюцца ў якасці ганаровых гасцей на беларуска-ўкраінскую гумарыну «Смех заваёўвае сусвет» і маюць права бясплатнай публікацыі ў другім нумары альманаха «Берасцейская скарбніца».
Творчыя работы дасылаюцца на паштовы адрас Брэсцкага абласнога аддзялення СПБ у друкаваным выглядзе на адрас: 224013, г. Брэст, пр-т Машэрава, д. 75/1, к. 605.
У лісце трэба ўказаць кароткую біяграфію, намінацыю, дату стварэння твора, кантактныя звесткі.
Таццяна ДЗЕМІДОВІЧ, старшыня Брэсцкага абласнога аддзялення СПБ
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?