Вы тут

У Пінскім раёне будуць праводзіць конкурс сярод сельсаветаў і старастаў


Рашэннем райсавета дэпутатаў на мінулай сесіі зацвердзілі адпаведную інструкцыю. Згодна з ёй, арганізатары конкурсу будуць штогод вызначаць найлепшы сельсавет і старасту па вырашэнні пытанняў жыццезабеспячэння насельніцтва.


Конкурс заснаваны дзеля таго, каб павысіць ролю сельскіх Саветаў дэпутатаў, органаў тэрытарыяльнага грамадскага кіравання ў вырашэнні пытанняў жыццезабеспячэння людзей, сацыяльна-эканамічным развіцці адпаведных адміністрацыйна-тэрытарыяльных адзінак, актывізацыі работы па заахвочванні насельніцтва ў вырашэнні пытанняў, якія маюць мясцовае грамадскае значэнне. Да ўдзелу ў конкурсе запрашаюцца ўсе сельсаветы і старасты Піншчыны. Вынікі будуць падводзіць штогод да 10 лютага года, які ідзе за справаздачным.

Якія будуць крытэрыі для вызначэння пераможцаў?

Згодна з зацверджанай інструкцыяй, па сельскіх Саветах у залік будуць ісці такія фактары, як выкананне мерапрыемстваў у межах дзяржаўных праграм сацыяльна-эканамічнага развіцця, камунальна-бытавога і сацыяльна-культурнага абслугоўвання насельніцтва на адпаведнай тэрыторыі, выкананне дзяржаўных сацыяльных стандартаў, інфармацыйнае забеспячэнне насельніцтва па месцы жыхарства, добраўпарадкаванне населеных пунктаў і аб'ектаў вытворчага і сацыяльна-бытавога прызначэння, уключэнне ў гаспадарчы абарот невыкарыстоўваемых зямельных участкаў. Акрамя таго, важкае значэнне будзе мець дэмаграфічнае становішча, стварэнне рабочых месцаў, прафілактыка злачынстваў і правапарушэнняў, прыцягненне насельніцтва да аховы грамадскага правапарадку, развіццё культурна-масавай і спартыўна-аздараўленчай работы і іншыя фактары.

Што датычыцца вызначэння найлепшых старастаў у раёне, то крытэрыямі ацэнкі іх работы будуць развіццё грамадскага руху па добраўпарадкаванні і падтрыманні ў чысціні населеных пунктаў, вуліц, дамоў, двароў, пад'ездаў, арганізацыя работы па забеспячэнні паўнаты і своечасовасці аплаты насельніцтвам жыллёва-камунальных паслуг, удзел у разглядзе зваротаў грамадзян, прыцягненне насельніцтва да аховы грамадскага парадку. Між іншым, пры падвядзенні вынікаў будзе прымацца ў разлік і выхаваўчая работа з дзецьмі і падлеткамі па месцы жыхарства, і арганізацыя культурных мерапрыемстваў, свят вёскі, і ўдзел у прапагандзе здаровага ладу жыцця, і іншыя крытэрыі.

Падводзіць вынікі конкурсу будуць па пяцібальнай сістэме, ацэньваць крытэрыі — у залежнасці ад выканання кожнага з іх па найбольшай колькасці набраных балаў.

Найлепшы сельсавет у раёне атрымае за перамогу 40 базавых велічынь, стараста — 5 базавых. Дарэчы, сярод старастаў вызначаць не толькі пераможцу, але і прызёраў: за другое месца гарантавана 4 базавыя, за трэцяе — 3 базавыя велічыні.

Узнагароджванне прадугледжана ва ўрачыстай абстаноўцы адпаведнымі дыпломамі, якія найлепшым сельсаветам і старастам уручыць старшыня мясцовага райсавета дэпутатаў.

Вольга АНУФРЫЕВА

Загаловак у газеце: Хто найлепшы?

Выбар рэдакцыі

Культура

Што паглядзець у брэсцкім музеі выратаваных каштоўнасцяў

Што паглядзець у брэсцкім музеі выратаваных каштоўнасцяў

Брэсцкі музей выратаваных каштоўнасцяў можна назваць мясцовым Луўрам — калі ўвогуле дарэчы параўноўваць адну культуру з іншай.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

— Хлопцы, не біце, я — ва-а-аш!..

Грамадства

Як дэпутаты вырашаюць праблемы жыхароў Брэсцкай вобласці

Як дэпутаты вырашаюць праблемы жыхароў Брэсцкай вобласці

У мясцовых Саветах Брэсцкай вобласці ажыццяўляюць дэпутацкую дзейнасць 2962 дэпутаты. 

Грамадства

Чым жыве найлепшая маладая сям'я штурмавой авіяцыйнай базы ў Лідзе

Чым жыве найлепшая маладая сям'я штурмавой авіяцыйнай базы ў Лідзе

Абодва яны спяваюць, пішуць вершы пра сваю сям'ю і іграюць на музычных інструментах.