Міністэрства абароны Венесуэлы паведаміла аб няўдалай спробе мецяжу ў сталіцы краіны. Паводле інфармацыі мясцовых СМІ, затрыманыя некалькі дзясяткаў чалавек. Адначасова ў тым жа раёне Каракаса пачаліся беспарадкі.
Паводле паведамлення мінабароны, невялікая група ваеннаслужачых нацыянальнай гвардыі скрала зброю з КПП у сталічным раёне Петар і ўзяла ў закладнікі чатырох афіцэраў. Затым мяцежнікі адправіліся ў раён Коціса.
У мінабароны адзначаюць, што на камандным пункце ў Коцісе мяцежнікі сутыкнуліся з актыўным супрацівам з боку ваенных, якія захоўваюць вернасць ураду краіны.
Паводле паведамлення ведамства, мяцежнікі схоплены і ўжо даюць паказанні, а выкрадзеная імі зброя вернута вайскоўцам.
Кіраўнік нацыянальнага ўстаноўчага сходу Венесуэлы Дыёсдада Кабельё у сваім "Твітары" паведаміў, што "вартавыя радзімы арыштавалі маленькую групу налётчыкаў і здраднікаў радзімы".
Улады заяўляюць, што спроба бунту адбылася "ў інтарэсах вельмі правых сіл", аднак не ўдакладняюць, хто канкрэтна прадстаўляе гэтыя сілы.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
