Вы тут

Штотыднёвы спартыўны агляд «Звязды»


У штотыднёвым спартыўным аглядзе «Звязды» расказваем пра выхад зборнай Беларусі па гандболе ў фінал чэмпіянату кантыненту, а валейбалісты - у «Фінал чатырох» залатой Еўралігі і іншыя спартыўныя падзеі выхадных. 


1. Гандбалісты зборнай Беларусі разграмілі фінаў у заключным матчы адборачнага турніру чэмпіянату Еўропы. Пасля першага тайма гаспадары выйгравалі з розніцай у 12 мячоў, а ў выніку перамаглі з лікам 40:15.

У другім паядынку 6-га тура 5-й кваліфікацыйнай групы зборная Чэхіі на сваёй пляцоўцы саступіла камандзе Босніі і Герцагавіны — 23:24. Выніковае становішча: Чэхія — 8 ачкоў (6 гульняў), Беларусь — 8 (6), Боснія і Герцагавіна — 8 (6), Фінляндыя — 0 (6). Беларусы, чэхі і баснійцы выйшлі ў фінальную стадыю кантынентальнага першынства. Туды таксама трапілі зборныя Германіі, Славеніі, Харватыі, Паўночнай Македоніі, Даніі, Венгрыі, Латвіі, Партугаліі, Францыі, Украіны, Расіі, Польшчы, Швейцарыі, Ісландыі, Чарнагорыі, Сербіі і Нідэрландаў.

Фінальны этап мужчынскага гандбольнага Еўра-2020 з 9 да 26 студзеня прымуць арэны Аўстрыі, Нарвегіі і Швецыі. Каманды гаспадароў чэмпіянату, як і дзеючы чэмпіён Еўропы — Іспанія, былі вызваленыя ад адборачных гульняў. Адзначым, што ўпершыню ў фінале згуляюць 24 зборныя, а не 16, як было ранней.

2. Мужчынская і жаночая зборныя Беларусі па валейболе выйшлі ў «Фінал чатырох» залатой Еўралігі. Мужчынская зборная ў вырашальным матчы з камандай Украіны саступіла сапернікам — 3:2. Найбольш выніковым гульцом сустрэчы ў беларускай зборнай стаў Радзівон Міскевіч (22 ачкі). Але гэтае паражэнне не перашкодзіла нашым хлопцам заняць першае месца ў групе С. «Фінал чатырох» залатой Еўралігі ў Таліне пройдзе 21—22 чэрвеня. Акрамя Эстоніі і Беларусі, пуцёўкі ў вырашальную стадыю атрымалі пераможцы груп А і В — Турцыя і Нідэрланды. Адзначым, што Беларусь упершыню згуляе ў «Фінале чатырох» Еўралігі. Раней найвышэйшым дасягненнем у гэтым турніры для нашых валейбалістаў было пятае месца.

Жаночая зборная перамагла ў гасцях каманду Іспаніі — 3:2. Самым выніковым гульцом стала Кацярына Сакольчык (13 ачкоў). Як і мужчыны, беларускія дзяўчаты занялі першае месца ў групе С. «Фінал чатырох» у жаночай залатой Еўралізе адбудзецца 21—22 чэрвеня ў харвацкай Вараждзіне. Акрамя гаспадынь турніру і беларусак, за ганаровы трафей пазмагаюцца валейбалісткі зборных Чэхіі і Іспаніі.

3. Беларускія баскетбалісткі прайгралі другі таварыскі матч камандзе Італіі — 56:73. Найлепшай у складзе беларусак была Анастасія Верамеенка, у актыве якой 11 ачкоў і 7 падбораў. Нагадаем, у першай сустрэчы італьянкі выйгралі з лікам 71:67. Да гэтага наша зборная правяла два спарынгі ў Рызе. У першым з іх яна перамагла каманду Латвіі з лікам 81:77, а затым прайграла зборнай Турцыі — 56:76. Пасля матчаў з італьянкамі падапечныя Наталлі Трафімавай адправяцца ў венгерскі Секешфехервар, дзе 21 і 22 чэрвеня згуляюць са зборнай Венгрыі. Гэта будуць заключныя кантрольныя сустрэчы перад стартам чэмпіянату Еўропы.

4. Завяршыліся матчы 11-га тура чэмпіянату краіны па футболе. Барысаўскі БАТЭ абыграў футбалістаў салігорскага «Шахцёра» — 3:1, «Гарадзея» і «Тарпеда» не змаглі выявіць пераможцу — 0:0, «Дняпро» (Магілёў) перайграў «Іслач» (Мінскі раён) — 3:0, «Славія» (Мазыр) згуляла ўнічыю са «Слуцкам» — 1:1, «Тарпеда-БелАЗ» (Жодзіна) быў мацнейшы за «Віцебск» — 1:0, «Мінск» перайграў «Нёман» (Гродна) — 2:1, «Дынама» (Брэст) з буйным лікам перайграла «Гомель» — 3:0, а «Дынама» (Мінск) перайграла РЦАР БДУ з яшчэ буйнейшым лікам — 6:1.

Дар'я ЛАБАЖЭВІЧ

Загаловак у газеце: Насустрач Еўропе

Выбар рэдакцыі

Грамадства

Што паглядзець у Хоцімску?

Што паглядзець у Хоцімску?

У Хоцімску нават ёсць кола агляду.

Грамадства

«За больш чым сем год былі ўсяго адны суткі без баявога выезду»

«За больш чым сем год былі ўсяго адны суткі без баявога выезду»

Гісторыя кар'еры падпалкоўніка ў адстаўцы Генадзя Цімахоўцава.

Палітыка

Беларусь і ЕС падпішуць візавае пагадненне не пазней за 2 лютага 2020 года

Беларусь і ЕС падпішуць візавае пагадненне не пазней за 2 лютага 2020 года

Верагодна, гэта адбудзецца ўжо ў гэтым лістападзе. 

Грамадства

Як праходзіў ваенна-гістарычны фестываль «Мір-1812»

Як праходзіў ваенна-гістарычны фестываль «Мір-1812»

Трэці раз ваенна-гістарычны фестываль «Мір-1812» на два дні перанёс пасёлак больш чым на два стагоддзі назад.