Вы тут

75 гадоў Мазырскаму дзяржаўнаму педагагічнаму ўніверсітэту імя І. П. Шамякіна*


— Наш універсітэт, заснаваны ў далёкім 1944 годзе, за 75 гадоў стаў буйным навукова-адукацыйным і грамадска-культурным цэнтрам Палесся, — расказвае рэктар універсітэта кандыдат фізіка-матэматычных навук дацэнт Валерый Наўныка. — Цяпер галоўнымі кірункамі навукова-метадычнай дзейнасці выкладчыкаў з'яўляюцца павышэнне якасці адукацыі, забеспячэнне духоўнага, маральнага і фізічнага развіцца студэнтаў, падрыхтоўка іх да паспяховай працоўнай дзейнасці. Распрацоўваюцца вельмі патрэбныя на месцах сучасныя педагагічныя тэхналогіі і методыкі ў дапамогу настаўнікам. Праводзяцца навукова-метадычныя семінары для настаўнікаў і выкладчыкаў школ, ліцэяў і каледжаў.


Рэктар універсітэта Валерый Наўныка.

Універсітэт па праве з'яўляецца вядучым цэнтрам у Рэспубліцы Беларусь па працоўным навучанні, ажыццяўляючы на базе вучэбна-вытворчых майстэрняў падрыхтоўку выкладчыкаў тэхнічнай і абслуговай працы, — працягвае Валерый Мікалаевіч. — З мэтай аказання дапамогі дзецям з асаблівасцямі псіхафізічнага развіцця, якія знаходзяцца ў складаных сацыяльных умовах, праводзяцца навуковыя даследаванні ў галіне інклюзіўнай адукацыі, развіваецца студэнцкі валанцёрскі рух. Ва ўніверсітэце дзейнічае Цэнтр педагагічных тэхналогій, пры якім распрацоўваюцца і апрабоўваюцца новыя педагагічныя тэхналогіі, абагульняецца перадавы вопыт, а вядомыя ў рэгіёне настаўнікі праводзяць майстар-класы.

Вялікая ўвага, як я ўжо казаў, удзяляецца духоўнаму, маральнаму выхаванню моладзі, захаванню і вывучэнню гісторыка-культурнай спадчыны Палескага рэгіёна. У рамках гэтай работы вядуцца сумесныя навуковыя даследаванні з Беларускай праваслаўнай царквою Маскоўскага патрыярхату. Важным вынікам такога супрацоўніцтва стала выданне ўнікальнай кнігі «Салдаты Перамогі», у якой сабраны ўспаміны ўдзельнікаў Вялікай Айчыннай вайны і працаўнікоў тылу. У 2018 годзе пры садзейнічанні Тураўскай епархіі Беларускай праваслаўнай царквы ва ўніверсітэце адкрыты першы ў краіне Інавацыйна-метадычны цэнтр духоўнага і маральнага, грамадзянска-патрыятычнага выхавання на аснове праваслаўных традыцый беларускага народа.

І яшчэ. МДПУ імя І. П. Шамякіна заслужана лічыцца алімпійскай ВНУ. Студэнты і выпускнікі ўніверсітэта з'яўляюцца чэмпіёнамі і прызёрамі апошніх чатырох Алімпійскіх гульняў, першынстваў свету па веславанні на байдарках і каноэ, лёгкай атлетыцы і іншых відах спорту.

Падчас Тураўскіх епархіяльных адукацыйных чытанняў ва ўніверсітэце.

Старонкі біяграфіі

Дзейнасць ВНУ на Мазыршчыне пачыналася на базе Рагачоўскага настаўніцкага інстытута. Рашэнне аб яе стварэнні, прынятае яшчэ ў ваенныя гады, сведчыць аб важнасці адукацыйных і выхаваўчых задач, якія яна прызвана была рашаць у разбуранай краіне.

Першы выпуск спецыялістаў адбыўся ў 1946 годзе. У школы Палесся былі накіраваны 190 настаўнікаў гісторыі, мовы і літаратуры, фізікі і матэматыкі, прыродазнаўства і геаграфіі.

За час сваёй дзейнасці ўніверсітэт падрыхтаваў больш за 49 тысяч спецыялістаў.

Жыццё — бурнае, насычанае

Выкладчыцкі склад універсітэта пастаянна папаўняецца найлепшымі яго выпускнікамі. Сёння каля 60 % выкладчыкаў складаюць выпускнікі розных факультэтаў. Сярод іх доктар тэхнічных навук прафесар У. С. Савенка, доктар філалагічных навук прафесар В. В. Шур, доктар фізіка-матэматычных навук прафесар Г. У. Кулак. Рэктар і большасць кіраўнікоў структурных падраздзяленняў з'яўляюцца выпускнікамі ўніверсітэта.

За апошнія пяць гадоў выкладчыкамі і супрацоўнікамі ўніверсітэта абаронена адна доктарская і больш за 15 кандыдацкіх дысертацый. У ВНУ — пяць камп'ютарных класаў, чатыры лінгафонныя кабінеты, каля 80 спецыялізаваных кабінетаў, лабараторый і майстэрняў, спартыўных і трэнажорных залаў.

Прызёры ХХХІ Алімпійскіх гульняў у Рыа-дэ-Жанэйра, чэмпіёнкі свету і Еўропы па веславанні на байдарках і каноэ, заслужаныя майстры спорту Рэспублікі Беларусь — выпускнікі ўніверсітэта. Злева направа —  Маргарыта Махнева, Надзея Лепяшко, Вольга Худзенка  і Марына Літвінчук.

Ва ўніверсітэце рэалізуюцца праграмы міжнародных стасункаў. Супрацоўнікі ўніверсітэта актыўна ўдзельнічаюць у рэалізацыі праекта еўрапейскай праграмы мабільнасці «MOST».

Універсітэт паспяхова выконвае дзяржаўны план па экспарце адукацыйных паслуг, рэалізуючы канцэпцыю полікультурнай адукацыі. Зараз тут навучаецца звыш 200 замежных студэнтаў з розных краін свету (Туркменістана, Расійскай Федэрацыі, Азербайджанскай Рэспублікі, Арабскай Рэспублікі Егіпет, КНР і іншых).

Па выніках выдатнай вучобы і актыўнага ўдзелу ў навукова-даследчай рабоце студэнты ўніверсітэта атрымліваюць стыпендыі  Прэзідэнта Рэспублікі Беларусь, імя І. П. Шамякіна, імя Францыска Скарыны, імя Якуба Коласа і іншыя.

У інтэрнатах універсітэта забяспечаны належныя ўмовы для пражывання ў адпаведнасці з дзяржаўнымі сацыяльнымі стандартамі. Функцыянуе санаторый-прафілакторый. Акрамя таго, студэнты штогод праходзяць аздараўленне ў іншых санаторыях краіны.

Уладзімір ХІЛЬКЕВІЧ

Алена ДАЎЖАНОК

*УНП 400083888

*На правах рэкламы

Загаловак у газеце: Будні алімпійскага ўніверсітэта

Выбар рэдакцыі

Грамадства

Што паглядзець у Хоцімску?

Што паглядзець у Хоцімску?

У Хоцімску нават ёсць кола агляду.

Грамадства

«За больш чым сем год былі ўсяго адны суткі без баявога выезду»

«За больш чым сем год былі ўсяго адны суткі без баявога выезду»

Гісторыя кар'еры падпалкоўніка ў адстаўцы Генадзя Цімахоўцава.

Палітыка

Беларусь і ЕС падпішуць візавае пагадненне не пазней за 2 лютага 2020 года

Беларусь і ЕС падпішуць візавае пагадненне не пазней за 2 лютага 2020 года

Верагодна, гэта адбудзецца ўжо ў гэтым лістападзе. 

Грамадства

Як праходзіў ваенна-гістарычны фестываль «Мір-1812»

Як праходзіў ваенна-гістарычны фестываль «Мір-1812»

Трэці раз ваенна-гістарычны фестываль «Мір-1812» на два дні перанёс пасёлак больш чым на два стагоддзі назад.