Вы тут

Штотыднёвы спартыўны спартыўны агляд «Звязды»


У штотыднёвым спартыўным аглядзе «Звязды» расказваем пра выступленні беларускіх гандбольных клубаў у міжнародных турнірах і іншыя актуальныя падзеі выхадных.


1. Футбалісты зборнай Беларусі завяршылі адборачны турнір чэмпіянату Еўропы-2020 гасцявым паражэннем ад каманды Германіі — 0:4. У гэтым адборачным цыкле наша каманда набрала 4 ачкі ў матчах з камандай Эстоніі — 2:1 (у гасцях) і 0:0 (дома) і па два разы прайграла зборным Нідэрландаў — 0:4 (у гасцях) і 1:2 (дома ) і Паўночнай Ірландыі — 1:2 (у гасцях) і 0:1 (дома).

Такім чынам, зборныя Германіі і Нідэрландаў за тур да фінішу адборачнага турніру забяспечылі сабе пуцёўкі на Еўра-2020. Турнірнае становішча ў групе С зараз такое: Германія — 18 ачкоў (7 матчаў), Нідэрланды — 16 ачкоў (7), Паўночная Ірландыя — 13 (7), Беларусь — 4 (8), Эстонія — 1 (7).

У заключны гульнявы дзень, сёння, адбудуцца два паядынкі: Германія — Паўночная Ірландыя, Нідэрланды — Эстонія. Зборная Беларусі ў аўторак у Падгорыцы правядзе таварыскі матч з камандай Чарнагорыі.

2. Баскетбалісткі зборнай Беларусі пераможна стартавалі ў адборачным турніры чэмпіянату Еўропы 2021 года. У Манчэстэры падапечныя Наталлі Трафімавай упэўнена перайгралі каманду Вялікабрытаніі з лікам 90:59. У складзе беларусак самай выніковай стала Марыя Папова, якая набрала 24 ачкі.

У наступным годзе беларускі 12 лістапада прымуць у сябе дома польскую дружыну, а два заключныя адборачныя паядынкі правядуць у 2021 годзе, 4 лютага дома з камандай Вялікабрытаніі і 7 лютага на выездзе з Польшчай. У кваліфікацыі ЧЕ прымаюць удзел 33 зборныя, пуцёўкі ў фінальную стадыю жаночага Еўрабаскета атрымаюць пераможцы дзевяці груп, а таксама пяць найлепшых камандаў, якія занялі другія месцы.

Фінальная частка 38-га жаночага чэмпіянату кантынента пройдзе ў чэрвені 2021 года на арэнах Іспаніі і Францыі, каманды якіх вызваленыя ад кваліфікацыі.

Баскетбалісткі юніёрскай зборнай Беларусі (U-18) сталі пераможцамі міжнароднага турніру памяці Сямёна Халіпскага, які прайшоў у Мінску. У заключным матчы спаборніцтваў нашы дзяўчаты перамаглі аднагодак з украінскай каманды «Інтэрхім» з лікам 90:69 і занялі першае месца.

3. Брэсцкі гандбольны клуб імя Мяшкова пацярпеў сёмае паражэнне на групавым этапе Лігі чэмпіёнаў. У гасцявым паядынку 8-га тура групы В БГК прайграў венгерскаму «Веспрэму» — 25:31. Наступны матч беларускі клуб правядзе 23 лістапада на сваёй арэне супраць «Вардара». У плэй-оф Лігі чэмпіёнаў выйдуць па шэсць найлепшых камандаў з дзвюх папярэдніх груп.

Гандбалісты мінскага СКА саступілі нямецкаму клубу «Райн Лёвен» у дамашнім матчы 3-га кваліфікацыйнага раўнда розыгрышу Кубка ЕГФ — 28:32. «Не зусім сёння справіліся. Думаю, на сваёй пляцоўцы маглі згуляць лепш. У першым тайме вылучылі наперад Ваню Броўку, і гэта дапамагло трохі разбурыць пазіцыйнае наступленне гасцей. Штосьці закрылі, штосьці згубілі — план спрацаваў працэнтаў на семдзесят, — адзначыў галоўны трэнер СКА Ігар Папруга. — Пастараемся максімальна эфектыўна выкарыстаць два дні і падрыхтавацца да гульні ў Мангейме». Паядынак у адказ за выхад у групавы этап другога па рангу кантынентальнага клубнага турніру адбудзецца 20 лістапада.

Гандбалісткі «БНТУ-БелАЗ» двойчы прайгралі іспанскаму «Гранальерсу» і завяршылі выступленне ў Кубку выкліку.

Дар'я ЛАБАЖЭВІЧ

Загаловак у газеце: Маглі згуляць лепш

Выбар рэдакцыі

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.

Грамадства

Неспадзяваныя падарожжы. Як не згубiцца ў лесе?

Неспадзяваныя падарожжы. Як не згубiцца ў лесе?

Цёплае i вiльготнае надвор'е, якое вось ужо чацвёрты тыдзень з невялiкiмi перапынкамi пануе ў Беларусi, штурхае да таго, каб пайсцi ў лес.