Вы тут

РТБД арганізоўвае анлайн-прэм’еру пастаноўкі «Профіт»


Хоць тэмпы распаўсюджвання COVІD-19 не змяншаюцца, на беларускай сцэне будзе сыграны цэлы спектакль. Рэспубліканскі тэатр беларускай драматургіі вырашыў арганізаваць анлайн-прэм’еру сваёй новай пастаноўкі «Профіт» — гледачы яе могуць застацца дома, затое на сцэне збярэцца ўвесь акцёрскі састаў. Прэм'ера адбудзецца сёння, 12 мая, а сёмай гадзіне на відэасэрвісе VOKA.


Гэта спектакль рэжысёра і мастацкага кіраўніка РТБД Аляксандра Гарцуева паводле п'есы Аляксандра Астроўскага «Даходнае месца». Прэм’ера рыхтавалася больш за тры месяцы і павінна была адбыцца афлайн яшчэ ў красавіку. Замест гэтага «Профіт» стане першым беларускім спектаклем, што праз пандэмію каранавіруса ўпершыню прэзентаваны ў анлайн-фармаце.

Аўтары асучаснілі першакрыніцу і перанеслі дзеянне п’есы з XІX у XXІ стагоддзе, да таго ж увялі новага персанажа і перайначылі многія сцэны. У пастаноўцы задзейнічаны акцёры тэатра Арцём Курань, Ганна Семяняка, Максім Шышко, Людміла Сідаркевіч, Максім Брагінец ды іншыя.

Далучыцца да прэм’еры можна бясплатна на сайце voka.tv альбо ў мабільнай праграме VOKA, але па жаданні, каб падтрымаць тэатр, РТБД прапануе набыць білет.

Вольга МІЦКЕВІЧ

Прэв’ю: ptzgovorit.ru

Загаловак у газеце: РТБД робіць прэм’еру нягледзячы ні на што

Выбар рэдакцыі

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.

Грамадства

Неспадзяваныя падарожжы. Як не згубiцца ў лесе?

Неспадзяваныя падарожжы. Як не згубiцца ў лесе?

Цёплае i вiльготнае надвор'е, якое вось ужо чацвёрты тыдзень з невялiкiмi перапынкамi пануе ў Беларусi, штурхае да таго, каб пайсцi ў лес.