Вы тут

Сучасны тэатр у пошуку гісторый


Кожнаму, незалежна ад досведу, ёсць, што распавесці іншым. У сучасным свеце гэта можна зрабіць вельмі проста — праз сацыяльныя сеткі. Інфармацыйная прастора паказвае, што асабістыя гісторыі цікавыя іншым, але зрабіць свой аповед зразумелым для гледача на ўсіх узроўнях — сапраўднае мастацтва.


Ужо пяты раз конкурс-фестываль сучаснай беларускай драматургіі WriteBox распачаў прыём заявак. З 1 мая па 31 жніўня беларускія і замежныя аўтары могуць накіраваць работы на конкурс па намінацыях «Новая п’еса» і «П’еса для дзяцей».

Слоган конкурсу-фестывалю ў 2020 годзе — «Тут распавядаюць гісторыі». Гэтыя словы адлюстроўваюць лад жыцця і вобраз мыслення, звыклы для людзей інфармацыйнага веку. Да ўдзелу ў конкурсе запрашаюцца і ўжо дасведчаныя аўтары, і тыя, хто толькі пачынае свой творчы шлях. Арганізатары імкнуцца стварыць прастору для адкрытай камунікацыі і пляцоўку, дзе можна будзе пачуць галасы сучаснасці.

На першым этапе конкурсу прафесійнае журы, у якое ўвайшлі беларускія тэатразнаўцы, тэатральныя крытыкі, рэжысёры, акцёры і драматургі, прааналізуе ўсе дасланыя работы і складзе шорт-ліст з найлепшых. На другім этапе будуць арганізаваны чыткі і абмеркаванні п’ес фіналістаў і адукацыйная праграма для драматургаў.

Задача праекта — хутка рэагаваць на новыя тэксты беларускіх аўтараў, падтрымліваць іх прасоўванне, даследаваць тэндэнцыі і асаблівасці беларускай драматургіі і ствараць пляцоўку для прафесійнага развіцця сучасных беларускіх аўтараў.

Тэатразнаўца Вікторыя Белякова, кіраўнік WriteBox, акрэслівае канцэпцыю сёлетняга конкурсу-фестывалю так: «Як растлумачыць, што такое п’еса? Гэта гісторыя, смешная, драматычная, іранічная ці абсурдная, няскладная або ўрывачная. Няважна, якая, таму што мы розныя, па-рознаму бачым свет і рэагуем на яго.

WriteBox-2020 — запрашэнне да даследавання свету вакол вельмі канкрэтных нас, сённяшніх, у іншым тысячагоддзі, у новай рэальнасці. І нас, якія распавядаюць сваю гісторыю».

Конкурс WriteBox праводзіцца з 2016 года і пастаянна ўключаны ў беларускі тэатральны працэс. Больш падрабязна з умовамі конкурсу і палажэннем можна азнаёміцца ў  сацыяльных сетках праекта. П’есы на конкурс прымаюцца ў  электронным выглядзе да 31 жніўня 2020 года на скрыню writebox.fest@yandex.ru.

Дар’я СМІРНОВА

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.