Вы тут

Прэзідэнт сабраў нараду па забеспячэнні бяспекі падчас выбарчай кампаніі


Прэзідэнт Беларусі Аляксандр Лукашэнка сабраў сёння нараду па забеспячэнні бяспекі падчас выбарчай кампаніі. Сярод удзельнікаў — кіраўнікі ўрада, палат парламента, сілавых ведамстваў, Адміністрацыі Прэзідэнта, Вярхоўнага суда. 


Прэзідэнт даручыў запрасіць у Беларусь генпракурораў Украіны і Расіі для разгляду сітуацыі з затрыманымі баевікамі

Каб зняць размовы пра «33 волатаў» (так Прэзідэнт назваў затрыманых прадстаўнікоў прыватнай ваеннай кампаніі «Вагнера»), ён даў даручэнне запрасіць у Беларусь генеральных пракурораў Украіны і Расіі для вырашэння сітуацыі.

«Усе ж заклапочаныя гэтай праблемай, сур’ёзная праблема. Пакладзіце ўтраіх (генеральныя пракуроры — Зв.) перад сабой міжнародныя дамовы і пагадненні, якія ў нас з Расійскай Федэрацыяй і Украінай, якія мы падпісалі ў шматбаковым плане (мы ж абавязкі ўзялі на сябе і ў гэтай сітуацыі таксама), нашы законы. Старшыня Следчага камітэта вам даложыць разам з Камітэтам дзяржаўнай бяспекі і аператыўную інфармацыю, і інфармацыю следчых аб расследванні. Вось дакументы, вось інфармацыя — на стол. Не прыедуць, пытанне вырашым мы без іх», — сказаў Прэзідэнт.

Ён падкрэсліў, што трэба праблему вырашаць выключна з пункту гледжання законаў, а не па прынцыпе, «хто грамчэй скажа па тэлевізары». Аляксандр Лукашэнка дадаў, што яшчэ адзін важны нюанс — гэта чалавечнасць, «бо законы не ўсё прадугледжваюць, неабходна зыходзіць з чалавечага фактару».

«І мы вырашым гэту праблему. Ніякай палітызацыі быць не павінна. Нам не трэба спектаклі ні палітычныя, ні эканамічныя. І пужаць нас таксама не трэба наступствамі. Мы ведаем пра ўсе наступствы. Не трэба нас пужаць амерыканцамі, натаўцамі. Не амерыканцы і не натаўцы сюды даслалі 33 чалавекі, калі ж на тое пайшло, — канстатаваў кіраўнік краіны. — Сядзьце ўтраіх, рабіце, як лічыце магчымым, на падставе нашых законаў, міжнародна-прававых актаў. Прыміце рашэнне па гэтых хлопцах».


«Ідзе гібрыдная вайна супраць Беларусі»

Кіраўнік дзяржавы звярнуў увагу кіраўніцтва МУС: праваахоўныя органы для недапушчэння дэстабілізацыі абстаноўкі ў краіне і выяўлення падазроных асоб павінны актыўна ўзаемадзейнічаць з насельніцтвам. Прэзідэнт праінфармаваў, што «ў краіне затрымана шмат іншых людзей, якія ставілі мэтай дэстабілізацыю абстаноўкі ў Беларусі і што многіх правакатараў удалося затрымаць толькі дзякуючы пільнасці грамадзян».

«Шчыра прызнаюся, і, напэўна, вы мне новага не скажаце: мы не ведаем, на што яны здольныя. Мы нават не ведаем, хто яны. Ці гэта амерыканцы з натаўцамі, ці з Украіны нас хтосьці падціскае, ці нас усходнія браты так моцна „любяць“ — мы нават не ведаем. Ідзе гібрыдная вайна супраць Беларусі, і мы павінны чакаць поскудзі з любога боку. Што мы, дарэчы, і робім», — падкрэсліў Аляксандр Лукашэнка

На яго думку, усё вырашаюць грошы і прыналежнасць да той ці іншай краіны ці партыі не мае значэння. «Не важна, амерыканец, дзярждэпавец, прыналежнасць у цябе да дэмакратычнай партыі... Удзельнічалі ў перадвыбарчай кампаніі ў Расіі, атрымалі за гэта добрыя грошы. Сёння хайпуюцца (хайпаваліся) на тэрыторыі Беларусі. Думаў: амерыканцы пачнуць іх зараз абараняць. Нічога падобнага, — заўважыў кіраўнік дзяржавы. — Грошы засцілаюць вочы, пазелянелі ад гэтых грошай: хто плаціць, за таго і спяваю. Вось адзіная разгадка. І ў нас такіх людзей нямала. Няважна, дзе і што. Хто плаціць, за таго і пяюць».

Прэзідэнт пахваліў не толькі органы дзяржаўнай бяспекі, міліцыю, мясцовую ўладу за хуткую рэакцыю, але і звычайных грамадзян.

«Малайцы беларусы. Па інфармацыі людзей, пазатрымлівалі ўсіх. Людзі паглядзелі вакол сябе. Убачылі — ба, іх жа ўчора не было, але яны з’явіліся. Інфармацыю — у МУС, КДБ. Знайшлі, каго ў лесе, каго пад плінтусам, павыцягвалі. Толькі з падачы людзей», — заўважыў Прэзідэнт і даў задачу МУС актывізаваць работу з людзьмі.


«У дзяржавы дастаткова рэсурсаў для абароны людзей»

Аляксандр Лукашэнка падкрэсліў, што выбарчыя камісіі будуць абараняць ад абраз і пераследаў. Паводле яго слоў, у дзяржавы дастаткова рэсурсаў для абароны людзей, «якія амаль бясплатна працуюць на краіну».

«Паўтараю задачу МУС і Генеральнай пракуратуры: усе, хто абражаў і працягвае гэта рабіць, запалохваў і працягвае гэта рабіць дзяржаўных служачых, ваеннаслужачых, членаў выбарчых камісій (асабліва падкрэсліваю), работнікаў вертыкалі ўлады, павінны быць прыцягнутыя да адказнасці, як таго патрабуюць нашы законы і Канстытуцыя», — сказаў Прэзідэнт.


Прэзідэнт расказаў, што ўважліва сочыць за ходам выбарчай кампаніі. На яго думку, вельмі шмат людзей пайшло на датэрміновае галасаванне, таму што яны насцярожыліся і зразумелі, што могуць страціць краіну.

«Тут некаторыя працягваюць заклікаць людзей на майдан 9-га і 10-га. Не дай бог мы расшуруем вогнішча ў цэнтры Мінска і будзем раскідваць галавешкі па ўсім Мінску. Гэтага мы дапусціць не можам і не дапусцім», — падкрэсліў Аляксандр Лукашэнка.


Прэзідэнт даручыў даць прававую ацэнку законнасці альтэрнатыўнаму падліку галасоў у дзень выбараў

Яшчэ адна тэма нарады, якую агучыў лідар краіны, — гэта альтэрнатыўны падлік галасоў у дзень выбараў. Ён даручыў Генеральнай пракуратуры, судам даць ацэнку законнасці падобных ініцыятыў. У судах, калі такія звароты туды паступяць, сказаў кіраўнік дзяржавы

Ён падкрэсліў, што ў любым выпадку ўсім, хто будзе галасаваць, неабходна даць магчымасць зрабіць гэта «спакойна, святочна, не асцерагаючыся нападак і ўмяшання ў асабісты выбар чалавека». «Я вельмі сур’ёзна манітору сітуацыю па галасаванні — годна, прыгожа, ідуць людзі. Нікому не перашкаджаюць. Хтосьці на дачу хоча паехаць у выхадны, хтосьці туды-сюды. Мы ж не па пошце галасуем, як у некаторых дзяржавах», — адзначыў Прэзідэнт.

Марыя ДАДАЛКА

Фота БелТА

Выбар рэдакцыі

Спорт

Чым жыве баранавіцкі хакей на траве і чаго яму не хапае для поўнага шчасця

Чым жыве баранавіцкі хакей на траве і чаго яму не хапае для поўнага шчасця

Баранавічы славяцца не толькі чыгункай, авіязаводам і шматлікімі прадпрыемствамі, але і хакеем на траве.

Грамадства

Чаму ў гэтым эпідсезоне варта абавязкова прышчапіцца?

Чаму ў гэтым эпідсезоне варта абавязкова прышчапіцца?

Масавая кампанія па вакцынацыі ад грыпу распачата сёлета ў краіне з сярэдзіны верасня.