Вы тут

ФАКТЫ, ПАДЗЕІ, НАВІНЫ


Лікбез аб электронным зборы на дарогах

У Цэнтры дзелавой адукацыі Беларускай гандлёва-прамысловай палаты 16 жніўня будзе арганізаваны семінар-кансультацыя "Сістэмы электроннага збору платы за праезд па аўтамабільных дарогах Рэспублікі Беларусь", паведамілі рэдакцыі ў прэс-службе Мінтранса.

На семінары выступяць і адкажуць на пытанні ўдзельнікаў: Яўген Вячаслававіч Ракала, начальнік Галоўнага ўпраўлення аўтамабільных дарог Міністэрства транспарту і камунікацый Рэспублікі Беларусь; Аляксандр Іосіфавіч Сідаровіч, начальнік юрыдычнага аддзела ЗТАА "Капш Тэлематык Сервісіз" і Максім Анатольевіч Кавалёнак, эксперт юрыдычнага аддзела ЗТАА "Капш Тэлематык Сервісіз".

Дадатковую інфармацыю можна атрымаць па тэлефонах: (8 017) 290-72-59, 290-72-77, (8 029) 118-08-70.

Сяргей ПАЛІНІН.

Золатавалютныя рэзервы крыху скараціліся

Па выніках ліпеня золатавалютныя рэзервы Рэспублікі Беларусь у вызначэнні ССРД МВФ скараціліся на 101,3 млн долараў і, паводле папярэдніх даных, на 1 жніўня сёлета склалі 7 916,3 млн долараў у эквіваленце, паведамілі рэдакцыі ў прэс-цэнтры Нацыянальнага банка Беларусі.

У нацыянальным вызначэнні аб'ём золатавалютных рэзерваў скараціўся на 77,8 млн долараў і на 1 жніўня сёлета склаў 8 554,8 млн долараў у эквіваленце.

Спецыялісты фінансавай сферы адзначаюць, што на зніжэнне аб'ёму золатавалютных рэзерваў аказала ўплыў пагашэнне ўрадам і Нацыянальным банкам Рэспублікі Беларусь знешніх і ўнутраных абавязацельстваў у замежнай валюце ў поўным аб'ёме.

Падтрыманню аб'ёму золатавалютных рэзерваў у ліпені гэтага года ў асноўным спрыяў рост цаны на золата на міжнародным рынку каштоўных металаў.

Сяргей КУРКАЧ.

"Паветраны" дэбашыр затрыманы

Самалёт "Белавія", які з-за п'янага пасажыра вымушаны быў вярнуцца ў Маскву, у другі раз вылецеў у Мінск.

У беларускай авіякампаніі паведамілі, што самалёт рэйсам B2-984 вылецеў з Масквы ў Мінск учора ў 10.18 па маскоўскім часе. І ўжо праз 27 хвілін вярнуўся ў аэрапорт вылету. Палёт быў перапынены з-за пасажыра, які знаходзіўся нападпітку і ўчыніў дэбош на борце пасля ўзлёту. Экіпаж і пасажыры агульнымі намаганнямі спынілі хуліганскія дзеянні мужчыны: пасадзілі яго ў крэсла і звязалі. Пасля пасадкі дэбашыра, які аказаўся 32-гадовым ураджэнцам Казані, перадалі ў рукі расійскай паліцыі. Рашэнне вярнуць самалёт у аэрапорт вылету прымаў камандзір экіпажа паветранага судна. Пры гэтым аб нестандартнай сітуацыі на борце ён паспеў апавясціць наземныя службы аэрапорта Дамадзедава. У 11.40 па маскоўскім часе самалёт зноў вылецеў у Мінск. Нацыянальная авіякампанія "Белавія " дзякуе пасажырам за дапамогу і прыносіць прабачэнне за нязручнасці.

Надзея ДРЫЛА.

У Балівудзе знялі рымейк савецкай "Іроніі лёсу"

У індыйскім Балівудзе знялі свой варыянт вядомай савецкай камедыі "Іронія лёсу, або З лёгкай парай", перадаюць інфармагенцтвы.

Фільм "Я люблю Новы год", сюжэт якога вельмі нагадвае вядомы фільм Эльдара Разанава, павінен выйсці на вялікія экраны 13 верасня. Падзеі індыйскай кінастужкі адбываюцца ў Нью-Ёрку. Замест урача Жэні Лукашына галоўным героем фільма стаў мумбайскі банкір-дзівак. Як і персанаж савецкай карціны, галоўны герой разам з сябрам пад Новы год адпраўляецца ў лазню, распівае алкаголь і выпадкова разам сябры ляцяць у Нью-Ёрк. Там ён трапляе ў кватэру да маладой дзяўчыны, якая збіралася сустрэць свята з жаніхом. Індыйскі фільм практычна цалкам капіруе сюжэт карціны Эльдара Разанава, аднак у балівудскім варыянце прысутнічаюць песні і танцы, якімі знакаміта кіно Індыі.

У цітрах ні прозвішча рэжысёра расійскай версіі Эльдара Разанава, ні прозвішча сцэнарыста Эміля Брагінскага не фігуруюць. Рэжысёр індыйскай кінастужкі заявіў, што ён нібы нічога не чуў аб існаванні савецкага фільма.

Выбар рэдакцыі

Грамадства

Канфуцый «прапісаўся» ў Мінску. Гутарым з дырэктарам Рэспубліканскага інстытута кітаязнаўства імя Канфуцыя БДУ, былым паслом Беларусі ў Кітаі Анатолем Тозікам

Канфуцый «прапісаўся» ў Мінску. Гутарым з дырэктарам Рэспубліканскага інстытута кітаязнаўства імя Канфуцыя БДУ, былым паслом Беларусі ў Кітаі Анатолем Тозікам

20 студзеня Беларусь і Кітай адзначаюць 29-ю гадавіну ўстанаўлення дыпламатычных адносін паміж нашымі краінамі. 

Грамадства

«Сталінскі праспект мы называлі брадвеем». Як і чым жылі беларускія стылягі

«Сталінскі праспект мы называлі брадвеем». Як і чым жылі беларускія стылягі

Пасля смерці Сталіна «жалезная заслона», якая аддзяляла Савецкі Саюз ад навакольнага свету, прыадчынілася.