16 студзеня, субота

Вы тут

У Казахстане сабраны першы БелАЗ


Першы кар'ерны 45-тонны самазвал БелАЗ-7547 сабраны ў Карагандзе на сумесным прадпрыемстве "КазБелАЗ".

Паводле слоў кіраўніка Карагандзінскай вобласці Казахстана Баўржана Абдзішава ў вобласці рэалізуецца шэраг праектаў з удзелам беларускіх партнёраў, адзін з якіх — вытворчасць запасных частак і зборка тэхнікі пад маркай "КазБелАЗ". Казахстанскія партнёры спадзяюцца, што БелАЗаў будзе больш і па колькасці, і па грузападымальнасці.

Кіраўнік беларускай дэлегацыі таксама лічыць, што ўзаемавыгаднае супрацоўніцтва будзе развівацца. "Сёння мы падводзім першапачатковы вынік нашай сумеснай дзейнасці, і гэты вынік абнадзейвае. Тыя дамоўленасці, якія ёсць, пачалі ўвасабляцца ў жыццё", — сказаў Барыс Батура.

Зборка першага самазвала зроблена з камплектуючых і па тэхналагічнай дакументацыі БелАЗа, атрымана дэкларацыя аб адпаведнасці патрабаванням тэхнічнага рэгламенту Мытнага саюза. Плануецца, што за год у Карагандзе будзе збірацца больш за 30 машын. Дарычы, пакупнікі першынца ўжо ёсць.

Як адзначыў генеральны дырэктар БелАЗа Пётр Пархомчык, прадпрыемства поўнасцю давярае казахстанскім партнёрам, якія прайшлі падрыхтоўку ў Жодзіне. Улічваючы, што толькі ў Карагандзінскай вобласці працуе больш за 220 аўтамабіляў БелАЗа, тут існуюць добрыя перспектывы для супрацоўніцтва.

У рамках візіту беларускай дэлегацыі таксама быў падпісаны дылерскі дагавор паміж мясцовай кампаніяй "ГеаМаш" і холдынгам "Амкадор" па сэрвісным абслугоўванні дарожна-будаўнічай і камунальнай тэхнікі беларускай вытворчасці. Акрамя таго, у Карагандзінскай вобласці з удзелам беларускіх партнёраў будзе наладжана вытворчасць даільнага абсталявання, вядуцца перамовы аб будаўніцтве малочнатаварных ферм і завода па перапрацоўцы малака.

Плануецца і яшчэ адзін цікавы сумесны праект: адзін з мясцовых конезаводаў збіраецца купіць у Беларусі жарабцоў пароды "савецкі цяжкавоз", каб шляхам скрыжавання з мяцовымі "жабэ" вывесці новую мясную пароду.

Пятро РАМАНЧУК.

Выбар рэдакцыі

Грамадства

Калі маці як дзіця, або Як пасябраваць з самымі роднымі людзьмі, якія на старасці гадоў сталі асаблівымі

Калі маці як дзіця, або Як пасябраваць з самымі роднымі людзьмі, якія на старасці гадоў сталі асаблівымі

Што рабіць, калі нечакана маці або бацька сталі вельмі настойліва заяўляць пра сябе?

Культура

Слухаць сняжынкі, сачыць за ростам травы. Янка Сіпакоў не любіў тусовак  і лічыў адзіным багаццем кнігі

Слухаць сняжынкі, сачыць за ростам травы. Янка Сіпакоў не любіў тусовак і лічыў адзіным багаццем кнігі

Вось ужо дзесяць гадоў, як пісьменнік Янка Сіпакоў застаўся ў сваіх кнігах — і тых, што падарыў, а найперш, у тых, што напісаў... А споўнілася б яму сёння 85 гадоў.