Вы тут

Як павысіць аўтарытэт мясцовай улады


Пачалася трэцяя сесія Савета Рэспублікі пятага склікання

Учора беларускія сенатары прыступілі да працы ў рамках трэцяй сесіі Савета Рэспублікі пятага склікання. Удзел у ім узялі 47 сенатараў. Першае пасяджэнне пачалося з урачыстай прамовы Старшыні Савета Рэспублікі Анатоля РУБІНАВА. Ён падвёў вынікі працы беларускага сената за мінулую сесію і так званы канікулярны перыяд. Пасля прамовы Старшыні члены Савета Рэспублікі прыступілі да фарміравання сакратарыята і падліковай камісіі.

У другой палове пасяджэння з дакладам перад Саветам Рэспублікі выступіла Марыя БОНДАР, старшыня Гомельскага абласнога Савета дэпутатаў. У выступленні закраналіся пытанні дзейнасці мясцовых Саветаў у Гомельскай вобласці.
Спадарыня Бондар дзялілася вопытам працы мясцовых дэпутатаў у вобласці, расказала пра перадачу «Мясцовая ўлада», якая выходзіць на гомельскім тэлебачанні, паказала яе фрагмент. Таксама Марыя Бондар распавядала пра мерапрыемствы па павышэнні аўтарытэту мясцовай улады. Па яе словах, «старшыня сельсавета нарэшце перастаў быць «накапляльнікам праблем», большая частка пытанняў хутка вырашаецца. Таксама размова ішла пра аглядальныя камісіі, што даследуюць домаўладанні, выяўляюць недахопы, дапамагаюць жыхарам. 70% з выяўленых недахопаў ліквідуецца з дапамогай сродкаў саміх домаўладальнікаў.
Выкарыстоўваюцца самыя розныя метады заахвочвання насельніцтва да кантактаў з мясцовымі ўладамі. Па электроннай пошце ўсе дэпутаты ў вобласці перыядычна атрымліваюць інфармацыйныя матэрыялы для працы з выбаршчыкамі. Штогод дэпутаты вобласці праводзяць каля 500 сустрэч з грамадзянамі.
Анатоль Рубінаў прапанаваў паслухаць аналагічныя даклады ад прадстаўнікоў усіх абласцей і заклікаў распрацоўваць новыя метады працы дэпутатаў мясцовых Саветаў. На яго думку, магутнасць нашага грамадства заключаецца менавіта ў калектывізме, адзінстве, і беларусам ні ў якім разе нельга страціць гэтую рысу.
У канцы пасяджэння намеснік старшыні Пастаяннай камісіі Савета Рэспублікі па эканоміцы, бюджэце і фінансах Тамара Паследняя зачытала свой даклад аб перспектывах развіцця адкрытага акцыянернага таварыства «Гродна Азот».
На пытанне пра магчымае набыццё часткі акцый ААТ «Гродна Азот» расійскай кампаніяй «Роснефть», спадарыня Паследняя адказала, што ўсё будзе залежыць менавіта ад выбару метаду будаўніцтва новага комплексу. «Калі мы будзем будаваць яго сваімі сіламі, то і прыбытак будзем атрымліваць у поўным памеры. Калі з інвестарам — то прыбыткамі трэба будзе дзяліцца».

Яраслаў ЛЫСКАВЕЦ.

Выбар рэдакцыі

Эканоміка

Якія асноўныя паказчыкі і параметры закладвае Магілёўшчына ў сваю рэгіянальную праграму развіцця?

Якія асноўныя паказчыкі і параметры закладвае Магілёўшчына ў сваю рэгіянальную праграму развіцця?

Пра гэта ў нашай гутарцы з намеснікам старшыні Магілёўскага аблвыканкама Русланам Страхаром.

Эканоміка

Разбіраем інвестпраграму Мінска на бягучы год

Разбіраем інвестпраграму Мінска на бягучы год

Яна ў гэтым годзе на 20 % «таннейшая», чым у папярэднім.

Культура

Бландзінкі за шпільцішам. Карэспандэнт «Звязды» зазірнуў углыб аргана

Бландзінкі за шпільцішам. Карэспандэнт «Звязды» зазірнуў углыб аргана

Прыгажуні-гераіні паралельна — выкладчыцы Віцебскага дзяржаўнага музычнага каледжа імя Салярцінскага.

Грамадства

Як кадравыя агенцтвы падманваюць даверлівых грамадзян

Як кадравыя агенцтвы падманваюць даверлівых грамадзян

Калі ў кадравым агенцтве вам прапануюць заплаціць грошы і гарантуюць стапрацэнтнае працаўладкаванне, смела разварочвайцеся і сыходзьце: перад вамі, напэўна, ашуканцы.