Гарадок Барань з насельніцтвам каля 12 тысяч чалавек, які знаходзіцца прыблізна ў дзесяці кіламетрах ад Оршы, у бліжэйшыя некалькі гадоў атрымае «другое жыццё». Барань стане сучасным, індустрыяльна развітым спадарожнікам райцэнтра.
— Я атрымаў вуснае даручэнне ад Прэзідэнта аб развіцці Барані. Створана цэлая праграма, якую ўзгоднім з кіраўніком краіны. У ліку іншага запланавана стварэнне перасоўных механізаваных калон, будаўніцтва прадпрыемстваў мэблевай вытворчасці, пунктаў тэхнічнага абслугоўвання, — расказаў Аляксандр КОСІНЕЦ, старшыня Віцебскага аблвыканкама.
Паводле слоў губернатара, у Оршы вядзецца мадэрнізацыя мясакамбіната для вырабу прадукцыі дзіцячага харчавання. Сёлета плануюць здаць пад ключ адпаведны цэх з магутнасцю 12 мільёнаў умоўных бляшанак за год. Ён нагадаў, што ў Аршанскім раёне будуецца кандытарская фабрыка, а таксама будзе пабудаваны завод па вырабе мінеральнай вады.
Аляксандр ПУКШАНСКІ.
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
