24-гадовы вадзiцель вiцебскага прадпрыемства «Белвест» Сяргей Барэйка затрымаў нецвярозага, якi кiраваў легкавым аўто.
— На перасячэннi вулiц Праўды i Церашковай у Вiцебску Сяргей Аляксандравiч Барэйка, кiруючы асабiстым матацыклам «Ямаха», затрымаў нецвярозага вадзiцеля аўтамашыны «Фольксваген». У дачыненнi да апошняга — раней судзiмага 7 разоў за аналагiчныя злачынствы — суд Кастрычнiцкага раёна горада Вiцебска вынес абвiнаваўчы прысуд. Яму прызначана пакаранне ў выглядзе пазбаўлення волi тэрмiнам 1 год 1 месяц з адбываннем у папраўчай калонii строгага рэжыму, — паведамiла Iна Гарбачова, афiцыйны прадстаўнiк упраўлення Следчага камiтэта па Вiцебскай вобласцi.
Пра нецвярозага за рулём паведамiлi ў мiлiцыю неабыякавыя людзi. Зразумела, паездка ў стане «пад мухай» магла б скончыцца цяжкiмi наступствамi. З за вялiкай колькасцi транспарту ў час пiк праваахоўнiкам адразу не ўдалося затрымаць парушальнiка. На дапамогу прыйшоў больш манеўраны матацыклiст, якi «загнаў» аўто ў тупiк i затрымаў кiроўцу.
За мужнасць i самаадданасць, праяўленыя пры затрыманнi раней неаднаразова судзiмага, смелы мужчына ўзнагароджаны граматай упраўлення Следчага камiтэта па Вiцебскай вобласцi.
Аляксандр ПУКШАНСКI.
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».