Пражэрлівыя трусы праелі шатландскі востраў Кана. Жывёлы бесперашкодна перамяшчаюцца па востраве, з'ядаюць усю расліннасць, капаюць норы і нават выкопваюць косткі з магіл. Жыхары шатландскага вострава абвясцілі вайну трусам. Апошняй кропляй для іх стала тое, што незлічоныя норы жывёл выклікалі на востраве апоўзні. З-за гэтага закрыта адзіная мясцовая дарога.
На востраве Кана ў Шатландыі пражываюць усяго 12 чалавек і амаль 16 тысяч трусоў. «Трусы — гэта горшае, з чым мне давялося сутыкнуцца за 51 год, пражыты тут, — распавёў мясцовы жыхар Віні МакКінан. — Яны паўсюль. З-за іх рушацца каменныя сцены... Неабходна нешта рабіць. Яны літаральна з'ядаюць востраў». У Нацыянальным фондзе Шатландыі, якому належыць востраў, вырашылі прыняць меры, каб знізіць папуляцыю жывёл. Улады думаюць, які спосаб знішчэння трусоў будзе найбольш гуманным.
«Трусіная праблема» паўстала на востраве практычна адразу ж пасля таго, як мясцовыя жыхары змаглі пазбавіцца ад пацукоў. Вайна супраць гэтых грызуноў пачалася ў 2005 годзе. Тады група экспертаў з Новай Зеландыі выкарыстала смяротную прынаду. Аперацыя прайшла цалкам паспяхова: у лютым 2006 года была знойдзена і ўтылізавана апошняя тушка грызуна. Аднак прыроду перамагчы немагчыма, асабліва калі чалавек не можа прадбачыць наступстваў свайго ўмяшання ў яе справы. Знікненне адной бяды прывяло да другой: замест адных прыйшлі іншыя грызуны-разбуральнікі.
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
