За мінулы год Нацыянальная авіякампанія «Белавія» перавезла 1 млн 612 тыс. 983 пасажыраў і больш чым 2 тыс. тон грузу і пошты, што, адпаведна, на 25,6 працэнта і 18,8 працэнта больш
, чым у папярэднім годзе. Ужо ў жніўні пасажырапаток авіякампаніі дасягнуў 1 млн чалавек. 24 лістапада 2013 года быў перавезены 1,5-мільённы пасажыр.
Такія вынікі сталі магчымымі ў тым ліку і дзякуючы пашырэнню геаграфіі ўласных рэйсаў. За мінулы год было адкрыта шэсць новых напрамкаў: Самара, Кутаісі, Будапешт, Бялград, Жэнева і Вільнюс.
Авіякампанія «Белавія» ажыццяўляе ўласныя рэгулярныя рэйсы па 43 маршрутах у 28 краін Еўропы, СНД і Азіі. Акрамя адкрыцця новых рэйсаў, авіякампанія павялічыла частату выканання палётаў па ўжо існуючых напрамках.
У маі яе паветраны флот папоўніўся шостым Boeіng 737-300. Акрамя таго, быў падпісаны дагавор з бразільскім вытворцам самалётаў адносна пастаўкі ў 2014 годзе двух новых Embraer-195. 3 студзеня гэтага года ў Нацыянальным аэрапорце «Мінск» прызямліўся чарговы Boeіng 737-300, які быў набыты ў аператыўны лізінг. Як перадае прэс-цэнтр кампаніі «Белавія», гэтае судна стала 22-м у паветраным парку беларускага авіяперавозчыка.
Сяргей РАСОЛЬКА.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?