Віктар Шульга (на фота) мае дыплом інжынера пасля заканчэння Беларускай дзяржаўнай політэхнічнай акадэміі, зараз працуе ў адным з магазінаў Мінска сістэмы «Еўраопт». А ў вольны час займаецца шашачнай кампазіцыяй, якой захапіўся яшчэ ў школьныя гады. Цяпер ён — неаднаразовы чэмпіён Беларусі, а ў раздзеле па стварэнні малых камбінацыйных праблем на вялікай стаклетачнай дошцы — бронзавы прызёр чэмпіянату свету, за што першым з беларускіх складальнікаў атрымаў званне міжнароднага майстра. Праявіў свае здольнасці ў арганізацыі спаборніцтваў рознага значэння і прапагандзе старадаўняй гульні. Напрыклад, па яго ініцыятыве праведзены прэстыжныя міжнародныя конкурсы «Беларусь-2012» і «Беларусь-2013». З улікам гэтых і іншых заслуг яму даверана кіраўніцтва камісіяй па кампазіцыі ФМЖД.
Нядаўна Віктар Іванавіч адзначыў сваё 50-годдзе! Віншуем юбіляра!
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.