За мінулы год аэрапорты Беларусі абслужылі больш за 2 млн 240 тыс. пасажыраў і забяспечылі дастаўку амаль 10 тыс. 564 тоны грузаў і пошты.
У краіне налічваецца сем аэрапортаў: Нацыянальны аэрапорт «Мінск», аэрапорты «Мінск‑1», «Гомель», «Брэст», «Гродна», «Магілёў» і «Віцебск». Усе яны дапушчаны да забеспячэння міжнародных палётаў.
Паводле інфармацыі прэс-цэнтра Мінтранса, за мінулы год Нацыянальны аэрапорт «Мінск» разам з філіялам (аэрапорт «Мінск‑1») абслужыў звыш 2 млн 182 тыс. пасажыраў, што перавышае ўзровень 2012 года на 18,7%, прыняў і адправіў 10 тыс. 476 тон грузаў і пошты (на 6,5% больш).
Усяго за 2013 год у Нацыянальны аэрапорт «Мінск» (і з яго) было выканана 16 тыс. 585 рэйсаў (прырост склаў 11 працэнтаў у параўнанні з 2012 годам). Удзельная вага беларускіх авіякампаній у агульным аб'ёме работ прадпрыемства склала 68,5% ад усіх самалёта-вылетаў і 72,2% ад сумарнай колькасці абслужаных пасажыраў.
Аэрапорт «Гомель» за мінулы год абслужыў больш за 45 тыс. пасажыраў і забяспечыў дастаўку 65 тон грузаў і пошты (103,3 працэнта і 517,5 працэнта да ўзроўню 2012 года адпаведна), аэрапорт «Гродна» — каля 3,2 тыс. пасажыраў і 23 тоны грузаў (119,9 працэнта і ў 11,5 раза больш), аэрапорт «Брэст» — амаль 8,4 тыс. пасажыраў (прырост у 8,7 раза), аэрапорт «Віцебск» — больш за 2,3 тыс. пасажыраў (233,8 працэнта).
Сяргей РАСОЛЬКА
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.