Спецыялісты ўпраўлення архітэктуры і горадабудаўніцтва Гомельскага гарвыканкама прымушаюць збіраць лішнія даведкі і перакладаюць свае абавязкі на грамадзян. Праведзеная камітэтам Дзяржкантролю Гомельскай вобласці праверка паказала, што нясвоечасова выконваюцца практычна ўсе працэдуры.
У многіх выпадках час на разгляд заяў перавышае вызначаныя тэрміны больш чым на 200 дзён. Пры тым, што тэрмін ажыццяўлення саміх працэдур складае не больш за 30 дзён. Састарэла і тая інфармацыя для грамадзян, якая знаходзіцца на адпаведных стэндах. Ва ўпраўленні архітэктуры і горадабудаўніцтва склалася негатыўная практыка збору заяўнікамі дакументаў і звестак, якія павінны запытвацца кіраўніцтвам самастойна, а таксама патрабаванне дакументаў, не прадугледжаных заканадаўствам для ажыццяўлення адміністрацыйных працэдур, адзначылі ў прэс-службе Камітэта дзяржкантролю.
Напрыклад, па адміністрацыйнай працэдуры «Выдача дазвольнай дакументацыі на праектаванне, узвядзенне, рэканструкцыю, рэстаўрацыю, капітальны рамонт, добраўпарадкаванне аб'екта, знос» з заяўнікаў неабгрунтавана патрабуюць: копіі дакументаў на зямельны ўчастак і на аб'ект нерухомай маёмасці, дагавор арэнды капітальнага будынка (ізаляванага памяшкання), заключэнне на праектаванне аб'екта, выдадзенае Гарадскім цэнтрам гігіены і эпідэміялогіі, пералік відаў работ на стадыі праектавання, схему знаходжання аб'екта ў маштабе 1:500, эскіз аб'екта, які праектуецца, рэканструюецца, мадэрнізуецца.
І гэта ў той час, калі, у адпаведнасці з адзіным пералікам адміністрацыйных працэдур, якія здзяйсняюцца дзяржаўнымі органамі і іншымі арганізацыямі ў дачыненні да юрыдычных асоб і індывідуальных прадпрымальнікаў, зацверджаным пастановай Савета Міністраў Рэспублікі Беларусь ад 17.02.2012 № 156, для ажыццяўлення такой працэдуры заяўніку неабходна прадставіць толькі заяву; дакумент, які пацвярджае дзяржаўную рэгістрацыю юрыдычнай асобы ці індывідуальнага прадпрымальніка, і дакумент, што пацвярджае ўнясенне платы.
Кантралёры выявілі выпадкі і калі за дзяржрэгістрацыю самавольных пабудоў з грамадзян неабгрунтавана ўзялі 16,7 млн рублёў. Цяпер разглядаецца пытанне пра прыцягненне вінаватых да адміністрацыйнай адказнасці.
Ірына АСТАШКЕВІЧ
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».