У Гродне стартаваў культурна-гістарычны марафон «Каложа: галасы жывой гісторыі» з удзелам студэнтаў і выкладчыкаў ГрДУ імя Янкі Купалы, іншых ВНУ, на
вучэнцаў каледжаў, школ, членаў грамадскіх арганізацый, праваслаўнага брацтва і прыходу Свята-Барыса-Глебскай Каложскай царквы.
Акцыя стартавала ў галерэі UNІVERSUM «купалаўскага» ўніверсітэта, дзе адкрылася выстава фотаздымкаў, прысвечаных храму (аўтары — яго прыхаджане), а таксама рэпрадукцый гравюр, літаграфій і карцін. У музеі гісторыі ГрДУ адкрылася выстава старажытных царкоўных кніг, у тым ліку рэдкіх выданняў з фонду Каложы. Дарэчы, на наступны дзень у храме прайшоў урачысты малебен за здароўе студэнтаў.
Культурна-гістарычны марафон у гонар славутага помніка праваслаўнага дойлідства будзе доўжыцца каля чатырох месяцаў. Акрамя розных выстаў, у праграме «круглы стол», навуковы семінар, музычна-паэтычная вечарына, дабрачынныя акцыі, конкурсы дзіцячых малюнкаў і відэаролікаў па гістарычнай тэматыцы з іх наступным выкарыстаннем у грамадскім транспарце. Мяркуецца таксама правесці конкурс студэнцкіх ідэй па рэстаўрацыі Каложы.
Барыс ПРАКОПЧЫК.
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.