Для таго, каб павысіць важнасць вывучэння школьнага курса «Асновы бяспечнай жыццядзейнасці», спецыялісты Міністэрства адукацыі прапануюць з наступнага навучальнага года праводзіць залік-тэсціраванне па раздзелах «Правілы пажарнай бяспекі» і «Абарона насельніцтва ад надзвычайных сітуацый», на якія будуць запрашацца і выратавальнікі.
Сёння «Асновы бяспечнай жыццядзейнасці» — абавязковыя для наведвання факультатыўныя заняткі, на якіх не ставяць ацэнкі. Прапановы па змяненні падыходаў да правядзення гэтага факультатыву абмяркоўваліся на рабочай сустрэчы кіраўнікоў МНС і Міністэрства адукацыі. Як падкрэслівае міністр адукацыі Сяргей Маскевіч, «ніхто б не хацеў, каб адзнакі за няведанне асноў бяспечнай жыццядзейнасці паставіла жыццё». Між іншым, у 2013 годзе на пажарах у Беларусі загінулі 20 дзяцей. Дзеці становяцца ахвярамі ДТЗ, атрымліваюць атручэнні хімічнымі рэчывамі, падаюць з вышыні, тонуць у вадаёмах...
— Чым раней прывіць дзіцяці правілы бяспечных паводзін, тым вышэйшыя шанцы на тое, што яго жыццё не абарвецца трагічна, або ён не атрымае калецтва, — упэўнены міністр па надзвычайных сітуацыях Уладзімір Вашчанка.
Надзея НІКАЛАЕВА.
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».