У сталіцы з пункта абмену валют па вуліцы Панамарэнкі былі скрадзены грошы.
У Фрунзенскім РУУС распавялі падрабязнасці здарэння. Касірка пакінула працоўнае месца на час абедзеннага перапынку, а калі вярнулася, убачыла, што дзверы абменніка адчынены, а грошы зніклі. Агулам з касы было скрадзена каля 10 тысяч долараў, больш за тысячу еўра, больш за 13 тысяч расійскіх рублёў і 50 мільёнаў беларускіх. Жанчына тут жа выклікала міліцыю. Па відэазапісе з камер назірання аператыўнікі аднавілі падзеі. Так, пасля таго, як касірка выйшла, замкнуўшы дзверы, праз некалькі хвілін каля іх з'явіўся малады чалавек. Ён адамкнуў дзверы і трапіў усярэдзіну памяшкання, дзе і скраў грошы. Прыкметы зламысніка вядомыя. Дарэчы, банкам аб'яўлена ўзнагарода ў памеры 10 працэнтаў ад скрадзенай сумы за інфармацыю, якая дапаможа ўстанавіць месцазнаходжанне зламысніка і грашовых сродкаў.
Сяргей РАСОЛЬКА.
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.