У гэтым месяцы юбілей, ды не просты, а 100-гадовы, адзначае Ганна Васільеўна КІСЯЛЁВА. З іх амаль чвэрць стагоддзя жанчына адпрацавала ў паштовай галіне!
Нарадзілася Ганна Васільеўна 9 верасня 1915 года ў вёсцы Казьяны Дубровенскага раёна Віцебскай вобласці. Сваю працоўную дзейнасць пачала з настаўніцтва. А з 1962 па 1986 год працавала ў цэху экспедзіравання друку вытворчасці «Мінская пошта».
Юбілярка, нягледзячы на ганаровую дату, вельмі сціплая, расказваць пра сябе журналістам не прывыкла. Адзначыла толькі, што яе найлепшыя жыццёвыя ўспаміны звязаны з поштай. «Такім чынам, — пажартавала генеральны дырэктар «Белпошты» Ірына САКСОНАВА, — вынайдзены новы рэцэпт даўгалецця: калі хочаш пражыць 100 гадоў, ідзі працаваць на пошту.
Усё ж схавацца ад урачыстых віншаванняў Ганне Васільеўне не ўдалося. Цёплыя словы і падарункі ёй перадалі кіраўніцтва «Белпошты» і прадстаўнікі адміністрацыі Ленінскага раёна сталіцы.
«Звязда» таксама далучаецца да віншаванняў і зычыць Ганне Васільеўне моцнага здароўя, увагі блізкіх і дабрабыту!
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
