Коратка

Рускi бiяграфiчны iнстытут прысудзiў Прэзiдэнту Беларусi Аляксандру Лукашэнку званне «Чалавек года — 2015» ў намiнацыi «Мiжнародныя адносiны» за ўмацаванне еўразiйскага супрацоўнiцтва i плённае супрацоўнiцтва з Расiяй.

Беларусь і В'етнам у рамках двухбаковага бізнес-форуму, які праводзіцца ў Ханоі, падпісалі амаль два дзясяткі дакументаў на пастаўку беларускай прадукцыі на $24 млн.

Рымска-каталіцкая царква ў Беларусі пакуль не ведае, хто заменіць апостальскага нунцыя архіепіскапа Клаўдыа Гуджэроці, які завяршае сваё служэнне ў краіне.

Запрашаць у дзіцячыя садкі на навагоднія ранішнікі прыватнага Дзеда Мароза можна толькі па ўзгадненні з кіраўніцтвам установы і бацькоўскім камітэтам.

Гала-канцэрт «зорак» сусветнай оперы, які пройдзе 20 снежня ў час VІ Мінскага міжнароднага Каляднага опернага форуму, збярэ вакалістаў 15 тэатраў з 14 краін.

Прызавы фонд мінскага чэмпіянату Еўропы па шахматах па бліцы і рапідзе складзе больш як 30 тыс. еўра. Шахматысты з 31 краіны падалі заяўкі на ўдзел, у бліцы выступяць 675 спартсменаў, у рапідзе — 802.